Til bjartrar framtíðar

Nýtt blogg væntanlegt...

2011-02-24T11:07:00.001Z

Vildi bara láta ykkur vita að ég hef ákveðið að halda við síðunni og reyna að gera það reglulega svo allir geti fylgst með okkur...
Kem með pistil á næstu dögum og einhverjar myndir með:)
Nóg er að tala um þar sem síðasti pistill kom í ágúst eða 2 mánuðum áður en prinsessan fæddist sem þýðir að ég hef ekki komið með fréttir síðustu 6 mánuði!! Nú skal bætt fyrir það:)

Júlí og ágúst...

2010-10-05T14:15:00.009Z

Í júlí fórum við á Akranes í dagsferð með Haffa, Vilborgu og Ronju vinum okkar. Fjaran þar er æði og gaman fyrir krakkana að leika sér. Mæli hiklaust með Langasandi. Fórum svo í sund þar líka og komumst að því að þar er fín sundlaug og rennibraut fyrir börnin:)

Sulla í vatninu á Húsavík

Stuð í pottinum

Saman í Kjarnaskógi

Ísak Andri að leika sér:)

Annars í júlí var helst í fréttum að við fórum í sumarfrí. Fórum seinnipartinn í frí í 4 vikur. Eða strákarnir voru í 4 vikur en ég aðeins styttra...
Af óléttunni að frétta þá leið mér vel og naut þess að vera ólétt að sumri til en ekki vetri eins og seinast:)
Fyrir utan allt það helsta sem maður gerði dag daglega þá fórum við í langt ferðalag. Byrjuðum á því að keyra norður á Akureyri og vorum það í 5 daga á tjaldsvæðinu. Það var rosalega gaman. Elva og Elvar vinafólk okkar var það í fríi með strákinn sinn hann Rúnar Óla og að við eyddum smá tíma með þeim, heimsóttum Kjarra afa í kirkjugarðinn og heimsóttum ætttingja. Við byrjuðum daginn alltaf snemma og eftir morgunmat fórum við í sund sem var ótrúlega gaman. Fengum fínasta veður, allavega ekki rok og rigning þannig að þetta var allt eins og best var á kosið:) Kíktum líka í kjarnaskóg og fleira skemmtilegt:)
Eftir Akureyri fórum við einn dag og nótt á Húsavík og heimsóttum Helenu og Jónas og börn. Það var rosalega gaman og Ísak Andri skemmti sér konunglega með frændsystkinum þar...
Nú þegar norðurferðinni var lokið brunuðum við suður í borgarfjörð á föstudegi verslunarmannahelgar. Þar fórum við í sumarbústað með Guðrúnu Helgu, Yngva og Jóhanni Grétari og vorum í viku. Það var líka rosalega gaman og notalegt. Vorum nú aðeins rólegri þar en tókum bíltúra í nágrenninu og eyddum tímanum í pottinum og kíktum í sund á Borganesi. Verðrið var ekki eins gott þá en við fengum helling af rigningu þar. Við bara gerðum gott úr því og það skemmdi ekkert fyrir neinu. Það var bara gaman hjá frændunum að leika sér og svo gátum við spilað og kjaftað eftir að þeir fóru að sofa á kvöldin:)
Á menningarnótt komu stelpurnar hans Valda bróðir í næturpössun og það gekk rosa vel. Allir ánægðir og krakkarnir sérstaklega:) Verð eiginlega að bæta því við hvað það var fyndið að fara með þrjú ljóshærð og bláeygð börn á aldrinum 2 til 5 ára og vera ólétt í þokkabót í sund. Fólk horfði alveg á okkur og einn maður spurði hreint út: Hvað eruð þið eiginlega með mörg börn?! Ekkert smá hissa á þessu liði sem kann greinilega ekki að nota varnir, hehe;)
Svo verð ég líka að setja inn mynd af því þegar Solla stirða kom í afmæli hjá Mörtu Rut vinkonu okkar... Það var ekki lítið vinsælt, en Ísak Andri var eiginlega bara feiminn við hana:)

Júní

2010-10-03T09:02:00.004Z

Horfa á Sollu Stirðu:)

Gaman að hafa eitthvað að gera á klóinun...

Ég ætla ekki að hafa þetta langt en ætla samt að bæta upp fyrir að hafa ekki skrifað í allt sumar...
Í júní gerðist svosem ýmislegt hér á bæ... Alltaf nóg að gera:)
Ísak Andri hætti með bleiu í lok maí/byrjun júní og gekk það rosa vel:) Hann varð allt í einu svo stór strákur eitthvað á stuttum tíma.
Við fórum í Hafnarfjörð á 17. júní með Guðrúnu Helgu, Yngva og Jóhanni Grétari. Það var mjög gaman og nóg um að vera þar.
Svo fórum við í útilegu með Haffa, Vilborgu og Ronju. Það var mjög gaman. Fórum eina helgi á Hellu og Ísak Andra fannst ekkert slæmt að sofa í tjaldi.
Svo var auðvitað nóg um sundferðir og rólóferðir ásamt ölllu því sem okkur finnst gaman að gera saman:)

Mæðgin í útilegu:)

Jæja hér með bæti ég upp missi á bloggi seinustu mánuða og set inn fyrir maí, apríl og mars... Er ég ekki dugleg?? Hehe:)

2010-05-21T12:26:00.004Z

Ísak Andri og Ronja með vatnsblöður í Húsdýragarðinum:)

Litli grallarinn minn. Klifrar ekkert smá hátt, rosa gaman:)

Benedikt og Unnar Freyr að leika við Ísak Andra:)

Sæta parið. Kara Mjöll og Ísak Andri komin í náttfötin, með duddurnar og bangasana sína:)

Þann 3. maí átti ég afmæli:) Jeij. varð 27 ára. Þakka fyrir mig gott fólk. Ekki leiðinlegt að fá afmælisgjafir, hihi... Það komu nokkrir ættingjar og vinir í heimsókn og var til kaka handa þeim sem auðvitað Raggi gerði fyrir mig.

Ásamt því að vera í próflestri reynir maður að eiga tíma með fjölskyldunni. Við eigum marga góða vini sem við reynum að hitta og leyfa krökkunum að leika sér. Við fórum í Fjölskyldu og húsdýragarðinn eina helgina með Haffa, Vilborgu og Ronju sætu:) Það var sko ekki leiðinlegt að sjá selina, lömbin og öll hin dýrin. Svo eru kastalarnir og leiktækin skemmtileg og okkur fannst öllum rosalega skemmtilegt. Alltaf gaman að eyða tíma með góðu fólki:)
Svo komu Svava og strákarnir hennar í heimsókn til okkar þegar hún var búin með prófin sín:) Ísak Andri var ekkert rosa hrifin af því að þeir væru að leika með dótið sitt en maður þarf að læra að deila. Það er stundum svolítið erfitt...

Telma, Svenni og Kara komu í heimsókn á afmælinu mínu og við fórum svo til þeirra stuttu seinna og borðum með þeim og spiluðum svo um kvöldið. Það var mjög gaman.
Við erum alltaf annað slagið í Grindavíkinn en ekkert rosalega oft og þá hefur maður yfirleitt bara tíma til að hitta fjölskylduna. Vonandi að maður hafi meiri tíma til að hitta vinina í sumar. Það verður samt nóg að gera hjá okkur eins og alltaf.

En núna eru prófin hjá mér búin og ég er að fara að vinna mína vinnu í Eirborgum. Verð reyndar ekki að vinna fulla vinnu en í staðinn er ég að fara að læra helling í sumar. Ætla nefninlega að fara aftur í hjúkkuna í haust þó ég sé að fara að eiga (ofvirk I know...:) Ætla því að læra í sumar þannig að ég sé eiginlega komin með þetta allt þegar barnið kemur í október og svo tek ég bara prófin í des. Er ekki að fara að læra mikið í október og nóvember með nýfætt kríli:) Er komin með stelpu til að kenna mér efnafræði þar sem það fag eyðilagði fyrir mér að komast í gegnum klausus...

Eftir helgi kem ég í Grindavík í 2 daga þar sem ég er að fara í prjóna- og saumaklúbb, 2 daga í röð. Hlakka til að hitta skvísurnar mínar þar sem það er orðið frekar langt síðan. Við Ísak Andri ætlum bara að skilja Ragga eftir í bænum þar sem hann þarf að vinna. Svo ætlar Elvan mín að bjóða mér á hamborgarafabrikkuna í næstu viku í tilefni þess að við erum báðar búnar með skólann og ég átti afmæli. Það verður pottþétt gaman. Þannig að nóg skemmtilegt hjá mér framundan:)

Lítið talað um Ragga greyið, hehe;) En hann er auðvitað að sinna sinni vinnu og duglegur að vera æðislegur við mig svo ég geti lært og þeir feðgar eiga góðan tíma saman á meðan. Reynum samt alltaf að eiga einhvern tíma saman sem er miklu auðveldara núna eftir skólann hjá mér. Erum líka farin að hreyfa okkur enn meira en vanalega og hugsa betur um heilsuna svo við getum verið að gera skemmtilega hluti sem lengst fram á elliár :)

En í Maí var það gærdagurinn sem stóð upp úr!
Fórum í vorferð með Ísak Andra og leikskólanum og það var æði:)
En fyrr um morguninn fórum við í 20 vikna sónar...
Allt leit eðlilega út og við fengum að vita að við eigum von prinsessu þann 6. okt:)
Ótrúlega spennandi að hugsa til þess:) Þurfum því að fara að hugsa mikið bleikt núna...

Apríl:)

2010-05-21T12:08:00.002Z

Svanhvít Eva frænka kom og gisti hjá okkur. Það var rosa gaman og gekk alveg mjög vel.

Minn maður er alltaf eitthvað að grallarast og finnst ekkert smá gaman að far aí stígvélin sín og setja upp peninginn hans Ragga sem hann fékk þegar hann varð evrópumeistari nema í bakstri. Er bara að æfa sig fyrir sína gullpeningar:)

Við erum með æðislegan lítinn pall sem er notaður óspart. Þar er gaman að kríta og kasta vatnsblöðrum til dæmis:)

Ísak Andri með Pabba sínum í páskaeggjaleitinni í Borgarhrauninu...

Það er alltaf nóg að gera á þessum bæ:)
Byrjuðum mánðinn á páskunum. Það er alltaf rosa gaman þá. Ísak Andri fékk nú ekkert páskaegg í þetta skiptið enda vill hann ekki nammi. Nægur tími til að uppgvöta það. Annars finnst honum ís og gos alveg rosalega gott...
Heima í Borgarhraunuinu er alltaf farið og falið helling af páskaeggjum úti í garði fyrir krakkana að finna. Ísak Andri tók auðvitað þátt í því og fann 2 egg:) Ég fann líka eitt og held ég hafi misst mig aðeins í kátínu, hehe:)
Við byrjuðum í íþróttaskóla og það er ekkert smá gaman. Gott fyrir orkubolta eins og hann að hlaupa og hoppa um eins og brjálæðingur. Hann er svo duglegur þessi elska:)
Ísak Andri fékk líka frænku sína hana Svanhvíti Evu í næturgistingu og það var svaka stuð. Honum finnst ekki leiðinlegt að leika sér við hana...
Hann er farinn að leika sér svo miklu meira og er þroskinn meiri og meiri stundum á milli daga. Er farin að horfa á cats and dogs og skrímsli hf ásamt dýrunum í háldaskógi þannig að það er þrennt sem hann horfir á í sjónvapinu. En samt nennir hann því ekkert voða mikið sem er bara ágætt finnst okkur. Svo er maður líka farin að skoða meiri sögubækur en orðabækur og ótrúlegt hvað þessi orkubolti getur setið og hlustað á mann. Það er ótrúlega gaman... þar til maður er kannski búin með sömu bókina 100x því það er auðvitað allta uppáhalds bókin sem þarf að lesa aftur og aftur, hehe:) Hann er sko með sterkar skoðanir á hlutunum og er mjög ákveðinn ungur maður...
Við reynum alltaf að vera dugleg að gera hitt og þetta og erum úti við þegar það er gott veður og förum reglulega í sund...
En það er nóg að gera í skólanum og er próf í lok apríl sem ég þarf að læra mikið fyrir. Þannig að um miðjan mánuð var ég komin í próflestur á fullu. Fórum samt á Faust sýninguna við Raggi með Óla og Kiddý, og Haffa og Vilborgu. Fengum okkur gott að borða og spiluðum líka. Þetta var rosa skemmtilegt kvöld og sýningin var hreint mögnuð.
Ég missti samt af fyrstu sumarbústaðarferð saumaklúbbsins út af skólanum en mæti sko á næsta ári og bæti upp fyrir það. Þá verð ég líka ekki ólétt og get kannski vakað lengur en tilk 12, segi svona;) Heilsan er góð. Þreyta sem hefur hrjáð mig er farin og þá er svosem ekkert sem angrar mig.
Hreyfingar eru komnar hjá krílinu sem er væntanlegt 6. október, en það er afmælisdagur Telmu vinkonu minnar:)
Jæja þá er komið að mars mánuði sem er styttir, man ekki svo langt aftur:)

Mars!

2010-05-21T11:59:00.002Z

Með Evu Maríu og Helenu á rólónum sem er rétt fyrir neðan íbúðina okkar:) Alltaf gaman að fá þær í heimsókn...

Við hittum Jóhann Grétar alltaf reglulega og það er rosa gaman. Ísak Andri er svo stór og finnst gaman að leika við einhvern minni. Svaka stuð að keyra saman á bílnum:)

Gaurinn á flotta trampolíninu sínu sem er ekki lítið notað. Þetta er á afmælisdaginn:)

Þá er mars upprifjun :)
Takk allir fyrir komuna í afmælið hans Ísaks Andra og pakkana handa stráknum.
Afmælið var rosa skemmtilegt. Komu MJÖG margir og það var sko fjör.
Ísak Andri alltaf að taka út mikinn þroska og farin að tleja upp á tíu og syngja helling. Finnst rosa gaman að syngja um litina og fleira.
Hann er búinn að uppgvöta sjónvarpið og vill helst horfa á Dýrin í hálsaskógi, sem við förum að kunna utanbókar:)
Annars tilkynntum við í mars að það væri von á öðru barni og heilsan er bara góð...

Smá nýársblogg áður en afmælisbloggið kemur...

2010-02-11T18:41:00.004Z

Ísak Andri, Raggi með vinkonunum Mörtu Rut og Rebekku Ýr.

Með frændanum og vininum Jóhanni Grétari

Svaka stuð í nýja baðinu:)

Það er búið að vera nóg að gera hjá okkur síðan ég bloggaði seinast!
Áttum æðisleg jól og áramót þar sem við fengum ómetanlegan tíma saman sem var kærkominn eftir allan próflestur hjá mér. Ísak Andri og Raggi voru held ég mjög fegnir þegar hann var búinn. Ég reyndar líka:)
Ég komst því miður ekki í gegnum síuna í hjúkkunni þrátt fyrir að hafa gengið mjög vel. Efnafræðin eyðilagði það fyrir mér. Stefnan er að massa hana vel fyrir næsta haust og fara bara aftur og fljúga þá vonandi í gegn:) Mjög leiðinlegt að komast ekki áfram, en þýðir ekkert að svekkja sig yfir því endalaust... vera bara jákvæð.
Við ákváðum að fara að hafa augun opin fyrir íbúð í Grafarvoginum þar sem við ætluðum að flytja með vori/sumri. Til að gera langa sögu stutta þá duttum við strax inn á íbuð sem var allt sem við vildum og við vorum flutt 3 dögum eftir að við skoðum hana:) Gerðist mjög hratt. Við erum hæstánægð hérna og búin að koma okkur vel fyrir. Fórum nú ekki langt, bara yfir í næstu götu:)
Ísak Andri þroskast mikið þessa dagana og er orðinn voða stilltur og stór strákur. Hann átti afmæli í gær sem við ætlum að halda upp á næsta laugardag. Við gerðum okkur samt glaðan dag í gær og fórum og gáfum öndunum brauð og fengum svo vini okkar og Ísaks Andra í uppáhaldssmat afmælisbarnsins sem eru heimalagaðar fiskibollur og meðlæti:) Allir ánægðir með daginn...
Honum finnst gaman á leikskólanum og er farinn að tala mjög mikið. Kann að telja upp á tíu sem okkur finnst mjög merkilegt og erum rosalega stolt af! Hann segir nánast allt eftir okkur þannig að ef það er einhvern tímann réttur tími til að venja sig af blóti þá er það núna:) Stundum er það ekki of gott hvað hann er skýr og farin að gera sig skiljanlegan. Dæmi um það er að á Sunnudagsmorgni sat hann í rúminu sínu korter í 6 og sagði: Vill ekki sofa. Ég var ekki alveg á því að samþykkja það en að lokum sigraði sá stutti. Hann vildi bara ekki sofa lengur... Hann er farin að sofa í venjulegu rúmi og það var smá vesen fyrst, enda mjög gaman að komast bara fram úr þegar maður vildi. Sum kvöldið reyndi mikið á þolinmæði foreldrana en eftir að halda út í smá tíma þá hætti hann að stríða okkur:) En hann farin að sofa nokkuð vel og alla nóttina í sínu rúmi. Við erum semsagt að fá góða hvíld núna. Fínt að þetta sé komið á gott ról enda hann orðinn 2 ára!
Hann er rosalega skemmtilegur og ákveðinn sem er bara flott mál. Uppáhaldssjónvarpsefnið og reyndar það eina sem hann vill horfa á eru dýrin í hálsaskógi. Gaman að því, en það var alltaf uppáhaldið mitt þegar ég var lítil. Við förum alltaf reglulega í sund og það er rosa gaman. Ísak Andri er svo duglegur og finnst mjög gaman að hoppa og fíflast þar. Reyndar finnst honum gaman að hoppa alls staðar. Það vantar ekki orkuna:)
Jæja ég ætla að blogga aftur eftir afmælið og setja inn myndir úr því.
Hlakka til að hitta þá sem koma. Öðrum sendi ég bara góða kveðju:)
Ósk.

Gleðileg jól

2009-12-23T20:53:00.002Z

Maður er svo mikill grallari og fátt er skemmtilegra en að hoppa og skoppa út um allt.

Skreyta jólatréð:)

Erfitt að láta kertin brenna þegar einn lítill vill bara blása aftur og aftur á þau...

Desember pistilinn loksins kominn:) Við erum búin að hafa mikið að gera í þessum mánuði. Lífið er búið að einkennast af því að við fjölskyldan hittumst á morgnana og svo fór ég í skólann, Ísak Andri á leikskóla og Raggi í vinnu. Ég kom svo yfirleitt heim seint á kvöldin þar sem ég gerði lítið annað í desember en að læra. Raggi var sama sem einstæður faðir og þeir feðgar voru að gera hitt og þetta skemmtilegt saman:)
Ísak Andri er rosalega ánægður á leikskólanum og það er mikill þroski í gangi hjá honum. Farin að tala svo mikið og bara orðinn svo stór allt í einu...
Nú er ég bara að bíða og vona að ég komist í gegnum klásusinn en ég fæ að vita það 8. janúar. Mér gekk bara vel á heildina litið og vona að allur lærdómurinn skili sér:)
Nú er bara að njóta hátíðanna og hitta fjölskyldu, vini og borða góðan mat. Það verður gaman að fylgjast með Ísak Andra þessi jól því hann er voða spenntur fyrir jólatréinu og öllum pökkunum.

Við óskum ykkur gleðilegrar hátíðar og vonum að allir hafi það sem best.
Bestu kveðjur. Ósk, Raggi og Ísak Andri.

Loksins:) Myndir...

2009-11-18T08:51:00.002Z

Að prófa koppinn... Endist í ca 3 sekúndur á honum:)

Alltaf að hjálpa til við heimilisstörfin.

Sópa laufinu fyrir utan með pabba.

Alltaf skoðað bækur áður en maður fer að sofa. Stundum fer hann inn í skáp og nærí svefnpokann sinn:)

Sætir vinir: Jóhann Grétar og Ísak Andri.

Október...pínu sein í því:)

2009-11-03T10:32:00.008Z

Það er löngu kominn tími á október bloggið...
Mikið búið að gerast því það er alltaf nóg að gera á þessum bæ.
En byrjum á byrjuninni. Sem var bara geggjuð ferð með henni Kiddý þar sem drukkið var nóg af hvítvíni og bjór og verslað allar jólagjafir, slatta af afmælisgjöfum og nokkrar sængurgjafir líka:) Ferðin var snilld í alla staði!
Svo fórum við helgina eftir það á Sannleikann með Pétri Jóhanni og nýttum okkur þar gjafabréf sem var nærri gleymt, enda eins og hálfs árs gamalt:/. Fórum með Guðrúnu Helgu og Yngva og það var rosa gaman.
Nú ekkert lát er á skemmtanagleðinni hjá okkur. Elva og Elvar buðu okkur með sér og Rúnari Óla vin Ísaks Andra með í sumarbústað og það var æði. Strákarnir farnir að hafa mikið vit á að leika sér og svo gátum við foreldrarnir bara spilað og kjaftað þegar þeir fóru að sofa.
Svo held ég að ein helgi hafi verið á milli þar sem við vorum í rólegheitum...
Svo seinustu helgi var frændsystkinapartý hjá fjölskyldunni hans Ragga. Það var mjög gaman... Við fórum nú snemma heim samt þar sem Ísak Andri vaknar alltaf svo snemma að það þýðir ekkert annað en að hvíla sig til að hafa orku til að leika sér næsta dag:) Næsti dagur var einmitt afmælið hans Ragga 1. nóv. Þá varð kallinn 31 árs gamall:) Það var nú ekkert afmælisboð en við eyddum deginum með mömmu og Angelu því þær gistu hjá okkur eftir að hafa passað kvöldið áður og Heiðu, Magga, Karel og Unni sem komu í heimsókn til afmælisbarnins:) Svo komu Guðrún Helga, Yngvi og Jóhann Gréta í kjötsúpu um kvöldið.
Svo fór ég í saumaklúbb í október að hitta Grindavíkurstelpurnar mína og er einmitt að fara að hitta þær aftur núna á miðvikudaginn. Svo styttist í jólasaumaklúbbinn sem ég hlakka mikið til. Hann heppnast alltaf snilldarvel, enda snilldarfólk að hittast:)
Fyrir utan allar þessar skemmtanir er daglega rútínan alltaf söm við sig. Raggi fer í vinnuna og Ísak Andri til dagmömmunar, hann byrjar svo á leikskóla í desember:) Ég fer í skólann og er alltaf að læra meira og meira af deginum þar sem það styttist óðum í próf! Núna er ég í skólanum fram á kvöld 2 daga í viku og sé fram á að þurfa að læra á sunnudögum líka um helgar, hef hingað til reynt að eiga þá frí. Það er bara harkan ef ég ætla að fara í gegnum klásusinn og það er ekkert annað í boði:) Raggi er suma dagana einstæður faður og þeir feðgar hafa það rosa gott saman, enda Ísak Andri mikill pabbastrákur.
Svo er ég byrjuð að hlaupa úti þar sem ég er ákveðin í því að fara 10 km í jónsmessuhlaupinu á næsta ári og svo hálfmaraþon á menningarnótt:) Hlakka mikið til að ná þeim árangri, en á langt í land ennþá.
Svo segi ég bara við þá sem lesa bloggið að þó að ég sé upptekin þá er alveg hægt að hitta mig í kaffi eða eitthvað, maður þarf að taka sér pásu líka. Endilega kvitta líka því það er svo gaman:)
p. s. það er eitthvað vesen með myndirnar... hendi inn nokkrum um leið og ég get:)

Langlokan í september:) Ekki gefast upp þó ég skrifi alltaf svona mikið...

2009-09-08T09:41:00.004Z

Maður reddar sér bara með því að búa til upphækkun og nær í það sem maður vill:)Að leika sérÍ fína prjónasettinu sem mamma er endalaust motnin með...

Jæja þá er september runninn upp og gott betur en það:)

Skólinn byrjaður á fullu og allt komið í fastar skorður og góða rútínu. Það er bara svolítið þægilegt að hafa rútínuna í gangi eftir gott sumar.
Skólinn er mjög krefjandi en samt sem áður rosalega skemmtilegur! Mér finnst eins og ég sé loksins komin á rétta hillu:) Efnið er ekkert smá áhugavert og í flestum tímum næ ég að halda athyglinni og finnast gaman...Þá er undanskilin efnafræðin sem ég er ekki mjög öflug í, en þarf þar af leiðandi að leggja extra áherlsu á. Er nú alveg farin að skilja eitthvað af þessu við lesturinn:) Svo er Svava með mér í þessu sem er algjör snilld. Við erum mikið saman í skólanum og gott af hafa stuðninginn og geta hjálpast að við að skilja flókna efnið:)
Það er svo mikið aðsókn í hjúkkuna núna að það verða samkeppnispróf í desember og 120 af 224 komast áfram eftir áramót. Smá pressa þar en maður verður bara að leggja sig mikið fram og komast áfram, ekkert annað í myndinni:) Eitt leiðinlegt við þetta er samt að ég þarf að taka sálfræðiáfangann sem ég hefði átt að fá metinn því það þurfa allir að taka öll próf til að eiga möguleikann á að komast áfram. En sálfræðin er búin að vera góður grunnur fyrir þetta því ég er að sjá það að það er margt í áföngunum (fyrir utan efnafræðina) sem ég er búin að koma inn á í náminu þar. Það er gott að vera með smá undirstöðu...
Ísak Andri er rosa flottur núna með rör í eyrunum og er eldhress alveg. Þetta gekk rosa vel og það var eins og við hefðum ekkert farið með hann í aðgerðina því hann var svo hress þegar vioð komum heim:) Hann er alltaf að þroskast meira og meira og farin að tala fullt af orðum og jafnvel kemur ein og ein stutt setning. Hann er núna kominn með herbergið út af fyrir sig með allt dótið sitt og við erum í stofunni. Það kemur bara ágætlega út enda við mjög góð í að nýta plássið sem best. Þetta er best upp á svefninn að gera:) Svo er ekki dót út um allt lengur...
En mig langar að segja ykkur frá því hvað Ísak Andri er mikill gaur! Við erum búin að fara tvisvar í húsdýragarðinn í sumar og í bæði skiptin er hann næstum búinn að verða sér að voða! í fyrra skiptið var hann ekki lengi að fara undir grindverk hjá hreyndýrunum þegar Raggi sneri sér við og var að passa að Helena færi ekki neitt:) Raggi rétt náði að grípa hann áður en hann hljóp af stað til dýranna, munaði engu! Í seinna skiptið vorum við að leika í bílunum hjá tjörninni í fjölskyldugarðinum og Raggi var enn og aftur að sinna öðru barni í örstutta stund (hvar er mamman alltaf, hehe) og Ísak Andri er kominn að tjörninni þegar Raggi snýr sér við. Kallar á Ísak Andra og þá flýtir sá stutti sér enn meira (sem gerist þegar maður er gómaður við að gera eitthvað sem má ekki:)) Hann snýr sér við og sleppir sér bara útí. Raggi, sem er eins og ninja, greip hann og hann var blautur að hnjám! Bara grallari þetta yndislega barn. En ég ætla samt að taka það fram að ef hann hefði farið alla leið í tjörnina þá hefði vatnið náð honum að mitti eða svo því þetta er svo grunnt. Maður leit samt alveg til hliðar til að sjá hvort það væri mikið að fólki sem sæi þetta, hahaha...
Við afrekuðum að fara á ljósanótt um helgina í FYRSTA skipti og í mat til Elvu og Elvars í Njarðvík. Það var rosa gaman og hefði ég viljað vera lengur en Ísak Andri þurfti að fara að sofa og ég á næturvakt um kvöldið. Annars er bara ein helgi eftir hjá mér í vinnu því ég ætla ekki að vinna með skólanum heldur einbeita mér að honum.
Já ég held að það sé nú ekkert meira að frétta í þetta skiptið. Endilega kommentið og svo hlakka ég bara til að hitta ykkur fljótlega. Spennt fyrir því að saumóinn minn er að koma úr sumarfríi:)
Knús, Ósk.

Ágúst og nóg af myndum:)

2009-08-20T09:18:00.003Z

Í Peysunni sem ég prjónaði, rosa montin með hana:)

Á hestbaki með pabba sínum:)Í bílnum á ættarmótinu. Vildi helst bara vera þarna allann tímann...

Frændsystkinin saman, ótrúlega sæt.

Ég og Mamma með Ísak Andra við Jökulsárlón.

Jæja þá kemur nýr pistill.

Ákvað að setja aðeins inn það sem er að gerast hjá okkur núna.
Við fórum á ættarmót í Breiðdal í byrjun mánaðar, ekki í Berufirði eins og ég fullyrti við alla, hehe. Byrjuðum á að keyra alla leið á Djúpavog og gistum þar í mígandi rigningu eina nótt. Fórum svo í sund þar í rosa fínni laug. Mamma sýndi okkur aðeins um plássið og benti okkur á staði sem hún þekkti síðan hún ólst upp. Svo fórum við yfir á Breiðdal og vorum þar tvær nætur í mun betra veðri:) Þar hittum við fólkið okkar, hefðu nú alveg mátt koma fleiri. En þetta var rosa gaman og Ísak Andri svaf vel í tjaldinu. Fórum í sund í Breiðdalsvík og svo var maður nottla bara úti allann daginn sem krökkunum fannst æði. Við fórum svo norðurleiðina heim og gistum eina nótt á Akureyri sem var algjör snilld. Bara allt of lítill tími en ég náði þó að fara að leiðinu hans pabba sem skipti mestu máli fyrir mig. Svo fórum við auðvitað í sund þar líka... Keyrslan gekk vel og Ísak Andri var bara mjög góður í bílnum mestan tímann. Hann er ekki sá þolinmóðasti í bíl eins og þið mörg hver vitið en við stíluðum keyrsluna svolítið eftir lúrnum hans og svo var mamma með okku í för og var dugleg við að hafa ofan af fyrir gaurnum:)
Svo þegar heim var komið fór Ísak Andri í aðlögun hjá dagmömmunni og það hefur gengið rosalega vel og hann er kominn í vistun á meðan pabbinn vinnur eða á milli 8-3.
Skólinn hjá mér er að fara að byrja og ég er með pínu,oggulítinn stresshnút í maganum eftir að hafa séð stundatöfluna og lesefnið. En ég kemst alveg í gengum þetta. Er byrjuð að lesa aðeins og svo er þetta bara spurning um skipulag og aga... Sem ég þarf greinilega að mastera núna:)
Ísak Andri er að fá rör í eyrun sín 1. sept og þá vonandi fer honum að líða betur. Hann er búin að fá nokkrum sinnum eyrnabólgu síðan í febrúar og svo fer vökvinn aldrei úr eyrunum þannig að hann er alltaf með hellur. En samt heyrir hann greinilega ágætlega því það er alltaf að bætast í orðaforðann. Hann kann til dæmis að telja upp á 3, segir nei, ég vil ekki og margt fleira skemmtilegt. Það er nánasta eitthvað nýtt á hverjum degi og við alltaf jafn kát þegar við heyrum eitthvað sem við höfum ekki heyrt áður og þá er eytt ómældum tíma í að fá endurtekningu á því með misjöfnum árangri, hehe;) Svo eru danshreyfingarnar enn á sínum stað og er hann mikið fyrir að sveifla sér í hringi og svo finnst honum rosa fyndið hvað hann verður ringlaður og labbar jafnvel á skellihlægjandi eftir nokkra hringi. Algjör skemmtikraftur og ótrúlega stór og duglegur strákur. Þroskinn er mikill þessa dagana og sjálfstæðið er einnig mikið. Það er til dæmis ekki hægt að borða nema gera sjálfur. Svo þegar hann er þreyttur þá bara kyssir maður foreldrana góða nótt, bendir inn í herbergi og þegar hann er lagður fer hann bara að sofa.
Ég þakka þeim fyrir sem nenna að lesa þessa langloku og bendi á að það er alltaf opið fyrir heimsóknir fyrir gott fólk...

Meira í Júlí... Ágúst kemur seinna:)

2009-08-05T11:50:00.003Z

Komiði sæl sem nennið að lesa þetta blogg:)
Gaman að einhver nennir því og æðislegt þegar einhver nennir að kvitta!!
Við erum að hafa það rosalega gott og erum mjög ánægð hér í voginum. Svolítið mikið að gera hjá okkur og maður væri svosem alveg til í meiri svefn...en sefur maður ekki bara þegar maður er gamall. Hef heyrt því fleygt:)
Við erum búin að vera að vinna allan júlímánuð og Ísak Andri ekki enn kominn í vistun en þá hef ég þurft að vaka svolítið eftir vaktirnar mínar með honum og tekið svo bara lúr í rúminu okkar með hann, sem er voða kósý:) En mamma og Unnur Perla eru svo miklar Perlur, hehe að þær hafa komið til okkar nokkrum sinnum og hjálpað til með litla brjálæðinginn þannig að ég hef getað farið að sofa beint eftir vakt. Ég er endalaust þakklát fyrir þessa hjálp og sé vel hvað það er gott að eiga góða að. En núna á ég bara 4 vaktir eftir í ágúst og tek líklega ekki nema 3. hverju helgi með skólanum, svona til að vinna eitthvað...
Annars erum við búin að vera njóta sumarsins og farið mikið í sund og niðrí bæ að njóta þess að vera til. Fórum líka tvisvar í heiðmörk í júlí með góðu fólki og það var alveg frábært:)
Nú stefnum við á ferðalag á morgun og verðum framyfir helgi líklegast. Erum að fara austur á Djúpavog og svo á ættarmót í Berufirði. Þetta er hjá afkomendum Þórhöllu ömmu og hennar systkinum. Þetta er fyrsta tjaldútilegan okkar með Ísak Andra. Hann hefur haft það svo fínt hingað til því hann hefur bara farið í sumarbústaði, nokkrum sinnum meira segja. En við hlökkum mikið til að fara og höfum nýtt vel útsölurnar á útileguvörum og erum orðin vel stæð fyrir næsta sumar. Þá verður maður ekki svona sorglegur í þessum útilegum og fer kannski oftar en einu sinni yfir allt sumarið, hahaha:)
Við vorum að vinna um verslunarmannahelgina en létum verða af því að fara í fjölskyldu- og húsdýragarðinn. Fórum með Steina og börnunum hans og Valda og co. Svo var mamma auðvitað með ungunum sínum líka. Það var rosalega gaman. Svolítið margir en það var samt í lagi. Ísak Andra fannst ekki leiðinlegt að sjá öll þessi dýr og það var æðislegt að fylgjast með honum:)
En þrátt fyrir að það sé mikið að gera hjá okkur og maður sé nú ekki að ná að sinna öllu eins vel og maður vildi, eins og hitta alla vini sína reglulega, þá er ég búin að vera ansi dugleg að sinna sjálfri mér. Get stolt sagt frá því að ég er búin að vera dugleg að fara í ræktina og hugsa um heilsuna. Svo er ég alltaf að prjóna og taka myndir þegar ég get. Er samt alveg til í að fara að bæta við mig þekkingu á myndavélina og taka meiri framförum, en góðir hlutir gerast hægt og maður verður betri með tíma og æfingu:) Ekki nóg með að vera komin með þessi 2 áhugamál (átti engin áhugamál fyrir 1 ári sirka!) þá get ég ekki hætt. Núna er ég að fara að læra á gítar og gaf Raggi mér eitt stykki gítar í gær:) Það verður gaman að geta spilað fyrir krakkana og við fleiri tækifæri kannski. Er allavegana voða spennt fyrir þessu...
Núna fer fljótlega að komast regla á lífið hér eins og annars staðar býst ég við eftir sumarið. Ísak Andri byrjar hjá dagmömmu í næstu viku sem hann verður hjá þar til hann kemst á leikskóla og ég fer að byrja í skólanum í lok ágúst! Bara spennandi að fara í hjúkkuna:) Það verður örugglega svolítið strembið í vetur hjá mér en maður klárar sig alveg af því. Þarf að fá ákveðna meðaleinkunn til að komast áfram á næstu önn, en ég hugsa að ég hafi nú alveg það sem þarf til þess.
Þá er komið gott af þessu... set inn nýtt blogg eftir ættarmótið...
Þar til seinna, Ósk pollýanna.

Í húsdýragarðinum... Við ætlum þangað!!

að var ekkert smá gaman að sjá öll dýrin:)

Skemmtilegur hópur sem skellti sér saman, vantar samt Steina, Kjartan Árna og Æsu Maríu. Og mig reyndar líka, ég er alltaf á bak við myndavélina og það er eins og ég fari aldrei með í neitt...

Júlí

2009-07-12T11:55:00.005Z

Krakkarnir Steina og Grace gistu hjá okkur:)

Ísak Andra fannst það ekki leiðinlegt! Ýtti Kjartani út um allt:)

Já þá er Júlí að verða hálfnaður, vá hvað tíminn líður hratt! Ísak Andri er orðinn 17 mánaða og voða stór strákur. Hann er farin að tala voða mikið, eiginlega allann daginn og við skiljum svona 5% af því sem hann segir:) Alltaf eru að koma fleiri og fleiri orð og okkur finnst hann svo klár. Nýjasta orðið sem hann segir mjög oft og við skiljum ekki er lallabó. Ég gerði samt tengingu í dag þegar latibær var í gangi og lagið byrjaði þá sagði hann lallabó og benti í stofuna. Þar af leiðandi er ég með þá hugmynd núna að þetta gæti hugsanlega þýtt latibær. Það er allavegana það eina sem hann ,,horfir" á. Og finnst honum rosalega gaman að dansa þegar lögin koma:)
Það er mjög mikið að gera hjá okkur í Júlí. Ekki í ferðalögum samt því Raggi er að vinna allar helgar í mánuðinum:( Gaman eða þannig. En við Ísak Andri höfum það samt fínt saman og erum alltaf að bralla eitthvað og leika okkur:) Væri samt fínt að hafa Ragga heima á daginn þegar ég hef verið á næturvakt! En þá reyni ég að fara í ræktina og Ísak Andri getur farið í daggæslu á meðan og leikið við önnur börn sem hann hefur auðvitað bara gott af:) Hreyfing er rosa fín stöð og er ég þvílíkt ánægð að vera farin að æfa þar og vonandi endist ég í því.
Við förum svo líklega á ættarmót helgina eftir verslunarmannahelgi og verður það örugglega eina ferðalagið okkar þetta sumarið... Nema maður komist norður á Akureyri. Það eru heil 3 ár síðan við fórum þangað og mig langar alveg rosalega. Hitta ættingja og fara á leiðin pabba og ömmu. Þetta er eitthvað sem ég hef gert á hverju ári síðan ég var lítil og mér finnst alltaf svo yndislegt að fara á Akureyri!
Í gær fórum við í fyrsta skipti með barnið okkar á slysó! Ekki gaman. Hann brenndi sig á sléttujárninu mínu og fékk blöður á tvo putta! Við ákváðum að fara með hann niðureftir þegar við vorum búin að láta renna á fingurna á honum í klukkutíma og hann var ekkert að róast nema þegar hann var með þá undir vatninu. Það var sótthreinsað og búið um þetta og hann verður með umbúðir í tvo daga. Ekkert alvarlegt en samt, vá hvað manni líður illa með lilta barnið sitt slasað. En svona er þetta. Slysin koma fyrir og eitthvað segir mér að með þennan pjakk að þetta verði ekki eina ferðin okkar þangað niðureftir!! Hann er samt furðuhress og þetta er ekkert að angra hann í dag. Brenndi sig líka á hægri sem er ágætt því þá truflar það hann minna og hann er ekki svo heftur. Getur alveg borðað sjálfur og allt. Meira segja furðuhreinar umbúðirnar eftir nokkra matartíma:)
Veðrið ætlar að leika við mann þessa dagana og um að gera að nýta það og gera eitthvað skemmtilegt eins og að kíkja niður í bæ, fara í picnik eða bara skella sér í húsdýragarðinn. Margt hægt að gera í Reykjavík, sérstaklega á sumrin:)

Minn maður með umbúðirnar, rosa sterkur!

Kann pósurnar alveg... sýna allar tennurnar.

Júní...

2009-06-10T23:16:00.006Z

Á leiðinni í hjólatúr:)

Maður er alltaf að brasa eitthvað eins og þetta til dæmis

Sætastur í sumarbústað

Og koma svo, ég get bara ekki hætt.
Við byjuðum júnímánuðinn á því að fara í bústað. Elva, Elvar og Rúnar Óli voru með okkur og það var rosalega gaman. Strákarnir voru voða góðir og við spiluðum og fórum í pottinn. Ég vann öll spil enda afburðagáfuð, hahaha og við Elva fórum á kostum og rústuðum strákunum!!
Við erum að njóta þess að vera heima með Ísak Andra en við þurfum líklegast að setja hann svo til dagmömmu hér þar til hann kemst inn á leikskólann sem er hér í götunni. Hann er nr. 3 á biðlista þannig að maður veit aldrei hvenær hann kemst inn.
Ég bíð spennt eftir skólanum í haust og er alltaf að verða spenntari. Finnst rosalega gaman að vinna vinnuna mína þó að það sé ekki alltaf gaman að hún sé á nóttinni. Það hentar samt ótrúlega vel. Finnst ég hafa hellings tíma til að vera með strákunum mínum og við erum alltaf að gera eitthvað skemmtilegt eins og að fara út að labba og hjóla til dæmis... En ég er að ná að sinna áhugamálinu mínu mjög vel í vinnunni en ég er alltaf að prjóna á nóttinni á milli þess sem ég vinn fyrir laununum mínum:)
Við kíktum í Grindó um sjómannahelgina og það var rosalega gaman:) hittum fullt af góðu fólki og alltaf gaman að þessari helgi. Svo erum við að fara að kíkja aftur á morgun þar sem Raggi er að fara að gefa smakk fyrir brúðartertu og það hentar mjög vel þar sem Valdi kemur heim á morgun frá Norge og ég næ að hitta hann eftir langan tíma.
Í stuttu máli sagt líður okkur mjög vel og erum bara eins hamingjusöm og við getum verið á krepputímum:) Næsta mál á dagskrá er að borða betur og hreyfa sig meira... Nenni ekki að allir haldi að við séum bæði að ganga með barn bara út af "smá" maga, hehe!
Núna er skylda að kvitta, koma svo...
Ástarkveðja úr Voginum , Óskin.

maí...

2009-06-10T23:03:00.002Z

Klappa fyrir því hvað maður er duglegur...

Mamma hjálpa

Sætastur

Já þá er um að gera að skella inn færslu. Var víst búin að lofa að vera virk í þessu og þá verð ég að standa við það:)
Við fluttum í bæinn, nánar tiltekið Gravarvoginn i byrjun maí. Það var flutt inn og komið sér þokkalega fyrir og svo var maður bara með kökur og fínerí á boðstólum þann 3. þar sem kella varð 26 ára gömul... Það var voða gaman að fá fólk í heimsókn og er alltaf þannig að þið þarna sem eruð ekki búin að kíkja þá er ekki nema 45 mínútur verið að keyra hingað frá Grindavík og margt hægt að gera í ferðinni:) Ég sakna svolítið fólksins í sveitinni en að öðru leyti þá á mun betur við okkur að búa í bænum. Við fundum það strax að við erum bara Reykjarvíkurfólk. Ekki að það sé eitthvað slæmt að vera suðurfrá... Við erum hæstánægð hér í lítilli íbúð. Enda er það fólkið sem maður er með en ekki staðurinn sem skiptir máli. Erum búin að koma okkur vel fyrir núna en það er búið að taka smá tíma enda við Ísak Andri búin að verða tvisvar veik síðan við fluttum. Ekki tengist það samt loftinu hér svona fyrir þá sem ætluðu eitthvað að benda á það, hehe:)
Við erum alltaf að gera eitthvað skemmtilegt og lét ég fylgja með myndir af okkur að gefa öndunum brauð. Ísak Andra fannst það æðislegt og var þvílíkt kátur. Fékk sér aðeins að borða líka svona til að athuga hvort við værum ekki að gefa þeim almennilegt brauð:)

2009-04-15T09:02:00.003Z

Með pósurnar á hreinu...

Best að fara upp á bílinn til að komast aðeins hærra:)

Á flotta hjólinu í rigningunni.

Jæja kominn tími á annað blogg. Þetta er farið að vera einu sinni í mánuði. En betra en ekkert...
Fínt að frétta af okkur. Nóg að gera eins og á öðrum heimilum. Páskarnir búnir og voru mjög notalegir. Erum að passa hundinn Kolla fyrir Elvu og Elvar og það er ótrúlega gaman að hafa hund á heimilinu aftur. Sakna Neo samt mikið núna... Kolli er búinn að vera voða góður hjá okkur. Við fórum í leikhús um daginn á Fló á skinni með Óla og Kiddý og það var ekkert smá gaman:) Svo er ég að fara að djamma með æskuvinkonunum á föstudaginn og hlakka ekkert smá til þess. Langt síðan að við hittumst í partý.
Við erum að fara að flytja núna fljótlega og yfirgefa Grindavíkina. Ég er nottla búin að koma mér í meira nám og Raggi er kominn með vinnu í bænum. Hann er að fara að baka upp á Eir þar sem ég er að vinna líka:) Þá erum við bæði komin á fyrsta vinnustaðinn okkar í Reykjavík. Sniðugt hvernig hlutirnir eru stundum. Við erum voða ánægð með þessar breytingar enda fannst okkur rosalega gott að búa í bænum og Eir er góður vinnustaður.
Ísak Andri er alltaf að verða meiri grallari. Hann er farinn að klifra upp um allt og þarf að fylgjast vel með því hvað hann er bralla. Einn daginn tók hann sig til og færði kollinn inni á baði til svo hann gæti nú náð í tannburstann sinn sjálfur. Svo færir hann trommurnar sínar til að fara upp í sófann. Við erum búin að sýna honum hvernig á að fara niður með fæturnar fyrst því hann bara lét sig flakka niður úr sófanum alveg óhræddur eins og strákar eru oft. Maður sér alveg hvað Helena frænka hans er varkárari með svona hluti. Hann dafnar vel og er að lengjast mikið núna. Er að verða voða stór finnst okkur. Maður saknar þess stundum að vera með lítinn unga sem var kyrr í meira en hálfa mínútu. En auðvitað er alltaf skemmtilegasti tíminn sá sem er núna. Alltaf erum við að segja hvað þetta er skemmtilegt og þá tekur hann upp á að gera eitthvað nýtt og manni finnst eins og að þetta sé í fyrsta skipti sem barn gerir þann hlut. Því auðvitað finnst manni sitt barn vera fallegasta og klárasta barn sem uppi hefur verið:) Þið ættuð að kannast við það sem eiga börn. Alveg er þetta best í heimi...
Ætla að segja þetta gott núna og nýta tímann á meðan hann er hjá Rúnu og þrífa eitthvað.
kossar og knús, Óskin.

Jæjajæja

2009-03-19T08:57:00.003Z

Það er ekki annað hægt en að vera ástfanginn af honum;)

Vinkonurnar með guttana okkar þegar Jóhann Grétar var skírður.

Spurning um að fara að hætta þesu bloggi. Hægt að fylgjast með öllu á facebook... Segi svona. Endilega kvittið sem lesið þetta og ég get þá ákveðið hvort ég eigi að vera að halda úti síðu eða ekki.
Annars viðurkenni ég alveg að ég er löt við þetta undanfarið. Þó að það sé mikið að gera er maður enga stund að skella inn smá línu...
Mikið að gera á þessu heimili. Ísak Andri er orðinn voða stór strákur, tíminn líður allt of hratt! Hann er farin að sofa á nóttinni:) Það er alveg yndislegt að fá að sofa óslitið nánast alla nóttina og jafnvel til hálf 8. Geðheilsunni var rétt svo bjargað með þessu, segi svona. Allavegana eru allir á heimilinu miklu hressari þar sem við erum úthvíld:)
Eftir miklar pælingar ákvað ég að ég ætla ekki í framhaldsnám í sálfræði og ég er búin að skrá mig í hjúkrunarfræði í Háskólanum í haust og er rosalega spennt yfir því. Við stefnum á að leigja húsið okkar og flytja í Hafnarfjörðinn (Guðrúnu Helgu til mikillar gleði, en ekki annarra). Ætlum að vera flutt fyrir haustið... Ég er líka farin að vinna á gamla vinnustaðnum mínum Eir og finnst það mjög fínt og er því að hætta á videoleigunni fljótlega.
Svo í öðrum aðeins minni fréttum en samt sem áður mikilvægum þá var ég skírnarvottur þegar hann Jóhann Grétar sætilíus var skírður og fannst mér það rosalegur heiður:) Svo eignaðist ég litla yndislega frænku þann 10. mars þegar Eggi elsti bróðir minn varð pabbi. Fór að kíkja á hana í gær og hún er bara sæt.
Hef þetta ekki lengra núna. Kossar og knús, Óskin.

1. árs

2009-02-10T10:09:00.004Z

þreytt en í sæluvímu:)
Sæti sæti:)

Já þá er litla barnið okkar orðið eins árs! Tíminn algerlega flýgur áfram og okkur finnst eins og hann hafi fæðst í gær. Minningin er allavegana það skýr:) Þvílíkt yndislegur dagur sem það var.

Undanfarið ár er auðvitað búið að vera æðislegt, skemmtilegt en stundum erfitt líka. Það er ekki alltaf auðvelt að eiga barn en það er án efa það besta í heimi:)

Ísak Andri er svo duglegur strákur. Farinn að labba út um allt fyrir mánuði síðan og stoppar ekki í bókstaflegri meiningu:) Hann spjallar allan daginn hvort sem við skiljum eða ekki. Þó eru nokkur orðin sem maður skilur. Svo er hann duglegur í sundinu og er farin til dagmömmu. Aðlögunin þar gekk rosalega vel og hann er ánægður þar. Hann er hjá Rúnu í Borgarhrauninu fjóra tíma á dag.

Afmælisveislan var á laugardaginn og þökkum við innilega fyrir strákinn:)

2009-01-14T09:14:00.001Z

Vá hvað það er spennandi að labba!

Krúttilíus:)

Gleðilegt ár

2009-01-12T16:56:00.002Z

Við erum búin að hafa það gott yfir jól og áramót og allt að gerast á þessu heimili. Ísak Andri er farin að labba. Hann tók sig til og sleppti sér tveimur dögum áður en hann varð 11 mánaða og labbaði bara einhverja 3 metra. Við bara gláptum og áttum ekki til orð. Ekkert verið að taka 2 skref eða eitthvað... Hann var svo farin að labba út um allt á laugardaginn þegar hann varð 11 mánaða:) Ekkert smá duglegur. Já og svo einn daginn var Ísak Andri að leika sér með bíl og gerði bílahljóð á fullu. Ég horfði bara á hann og spurði hvort hann væri í alvöru að gera bílahljóð. Ekkert smá duglegur. Þá var hann bara búin að læra það af pabba sínum. Það er svo mikill þroski í gangi að það er geggjað gaman. Hann segir mamma eins og hann fái borgað fyrir það. Svo kemur líka nana sem er nammi eða matur og svo segir hann líka babba og nei. Svo er eitt og annað sem er reglulega sagt en foreldrarnir vita ekki alveg hvað þýðir:)
Bara best í heimi að eiga barn. Hann er svo skemmtilegur. Svefninn er ennþá alltaf eitthvað í óreglu og ætlum við bara að kíkja til svefnráðgjafa enda bæði orðin svefnvana og með bauga niðrá kinn:/Hann er farinn að vakna kl. 5 og bara góðann daginn...Þá er ennþá nótt... Vonandi kemst þetta í lag sem fyrst. Við erum allavegana búin að prófa allt sem okkur dettur í hug til að barnið sofi lengur. Kannski ætlar hann bara að verða bakari eins og pabbi sinn. Ég er allavegna ekki þekktur morgunhani!
Við erum að byrja á framhaldsnámskeiði í sundi og hlökkum mikið til að fara í sund á hverjum laugardegi núna, annars höfum við alltaf farið reglulega í sund. Það er svo gaman. Líka ekkert smá flott vatnaveröldin í Keflavík. Mæli með að fara þangað:)
Jæja nenni ekki að skrifa meir. Finnst ég aldrei hafa neitt að segja og skrifa svo helling... Þar til næst... Bæjó!

10. jan eignuðust Guðrún Helga og Yngvi strák sem er alveg yndislegur. Innilega til hamingju dúllurnar mína. Þetta er svo æðislegt:)

2008-12-30T13:32:00.004Z

Ekkert smá gaman!
Opna pakka:)

Ákvað að vera rosa dugleg og setja inn blogg fyrir gamlárs líka:)

Við erum búin að hafa það rosalega gott yfir hátíðarnar. Erum bara búin að vera með fjölskyldunni, borða og hafa það gaman:) Eins og flestir aðrir vona ég. Við kíktum líka eitt kvöldið inn í Njarðvík til Elvars og Elvu að spila og það var rosa gaman.

Ísak Andri var ekkert smá sætur á aðfangadag með bindi og í vesti yfir skyrtuna sína. Bindið var reyndar fjarlægt þar sem það var ekki vinsælt hjá litla manninum. Hann var pínu pirraður fyrri part kvölds en þegar hann var búinn að borða og við vorum komin langt með pakkana þá varð hann svona líka kátur og hló og hló! Við opnuðum flesta pakkana enda hafði hann meiri áhuga á pappírnum og kössunum en dótinu sjálfu á þessum tímapunkti. Hann opnaði samt aðeins líka. Svo er hann hæst ánægður að vera kominn með svona mikið smábarnadót og að við séum búin að losa hann við þetta ungbarnadót sem var algerlega hætt að vera spennandi. Ísak Andri fékk líka eitthvað að fötum og erum við hæstánægð með allt sem hann fékk, og auðvitað með gjafirnar okkar líka.

Núna hlökkum við bara til morgundagsins og óskum við ykkur gleðilegs árs og þökkum fyrir það gamla. Takk fyrir að fylgjast með okkur og litla prins hérna á blogginu:)

Gleðileg Jól

2008-12-23T11:12:00.003Z

Alltaf gaman að standa allstaðar og tromma:)

Ákvað að henda inn einni færslu svona rétt fyrir jól. Við Ísak Andri erum bæði búin að ná okkur í ælupestina, sem betur fer kannski því hún er liðin hjá. Ótrúlegt hvað þessar pestir eru stutt að ganga yfir. Þannig að það er ágætt að koma því bara frá...

Annars er fínt að frétta. Í dag er planið að leggja lokahönd á jólastúss. Fara með kortin sem ég er að klára að skrifa. Svo erum við að fara í Njarðvík með pakka og svo er það nottla að þrífa þar sem ég var ekki í standi til þess í gær. Nóg að gera og svo er bara aðfangadagur á morgun. Ekki líður mér samt þannig. Tíminn líður allt of hratt. Finnst eins og það hafi verið í gær sem við vorum að tala um að við yrðum með 10 mánaða gutta eftir ár á jólunum. Og nú er það bara að gerast! Hann Ísak Andri er ekkert svo mikið í jólatréinu og við erum með pakka á gólfinu sem hann lætur í friði. Merkilegt það. Hann labbar meðfram öllu og fer í flest allt sem má ekki:)

Gleðileg jól öllsömul og hafið það rosalega gott:)

Jólin koma:)

2008-12-12T13:24:00.005Z

Það er fínt að frétta héðan.

Ég er að læra og Raggi alveg að fara að vinna uppi í lóni aftur. Þessi mánuður er gjörsamlega búinn að hverfa frá okkur...

Maður er bara í jólaskapi. Get ekki beðið eftir þriðjudeginum og komist í jólafrí. Er annars búin að kaupa allar jólagjafir og það er ekki mikið eftir sem við þurfum að gera fyrir jól. Ætla að kíkja með Elvu vinkonu í bæinn eftir próf að klára það sem þarf:) Það verður örugglega gaman með brjálæðingana okkar báða með okkur, hehe.

Við fórum með Ísak Andra í fyrsta skipti í göngutúr á snjóþotu áðan. Það var bara sætt að sjá hann í þotunni. Sat bara og brosti. Tókum nú ekki stóran hring en þetta var rosa gaman. Alltaf gaman að gera allt í fyrsta skipti. Maður fær að vera barn aftur þegar maður eignast börn því þá gerir maður allt sem maður gerði þegar maður var lítill. Það á eftir að vera gaman að leika sér við hann. Þetta er æðislegt. Já og til að vera samkvæm sjálfri mér þá verð ég að setja inn hvað hann er orðinn stór strákur. Hann er orðinn 8.6 kg og 72.7 cm. Fylgir sinni kúrfu og læknirinn sagði að hann væri rosa flottur eins og vanalega. Hann er heilsuhraustur strákur. Svo er þriðja tönnin komin og skapið eftir því, hehe. Og maður er bara farin að labba meðfram og standa einn í smá stund einstaka sinnum. Þetta gerist allt of hratt! Hann er orðinn svo stór sæti strákurinn okkar:)

Svo er bara jólasaumaklúbbur í kvöld. Ég er búin að bíða lengi eftir því og hlakka ekkert smá til. Við borðum saman góðan mat. Allir fá pakka og svo verður bara sjallað, spilað og fengið sér í glas og svona fínerí. Unnur Perla ætlar að vera svo æðisleg að passa fyrir okkur svo við getum farið og skemmt okkur með vinum okkar. Það verður örugglega bara gaman:)

Jæja ætlaði bara að henda inn smá línu fyrir þá sem lesa bloggið. Ætla að halda áfram að lesa svo ég geti tekið frí seinni partinn með hreina samvisku...

1. í aðventu

2008-11-30T21:25:00.008Z

Það er svo gaman:)
Halló mamma og pabbi.

Halló. Vá hvað tíminn líður hratt. Það er kominn fyrsti í aðventu og ekki nema 24 daga í jól:)

Ég er bara farin að hlakka til jólanna. Við erum búin að skreyta allt, kaupa cirka helming af jólagjöfunum og Raggi búin að baka smákökur. En við ákváðum að skreyta snemma þar sem ég er bara að læra og læra þessa dagana. Er meira segja bara hjá mömmu að læra því ég hef svo mikið næði þar... Fer í tvö próf í vikunni og svo er síðasta prófið 16. des. Lesturinn gengur bara mjög vel:)

Annars er ég aðeins búin að ná að taka myndir fyrir Steina bró af krökkunum hans fyrir jólakortið. Er einmitt að fara í afmæli þangað á morgun. Kjartan Árni er að verða 7 ára. Talandi um að tíminn líði hratt... 7 ár síðan ég sá hann koma í þennan heim. Magnaðasta upplifun lífs míns fyrir utan að eignast barn sjálf. Það er yndislegt að vera viðstaddur fæðingu.

Ég kíkti aðeins í partý til Söru og Kobba á föstudaginn. Það var rosa gaman. Ég stoppaði stutt þar sem ég er í próflestri og þurfti að vakna snemma á laugardag og lesa. Við vorum svo í 1 árs afmæli hjá Helenu hans Valda í gær. Það styttist óðum í að við höldum barnaafmæli. Ég gaf henni jólasveinahúfu sem ég prjónaði sjálf. Hún er ekkert smá flott! Ég er allavegana rosalega ánægð með hana þar sem ég er ekki búin að prjóna neitt að ráði í langan tíma og aldrei farið eftir uppskrift. Nú er næst á dagskrá að gera aðra á Ísak Andra og Evu Maríu. Hún eignaði sér húfuna hennar Helenu:) En ég hef nægan tíma milli prófa og jóla til að prjóna.

Það er ágætt að frétta semsagt. Ísak Andri farin að sofa betur en hann vaknar samt alltaf mjög snemma. Það er bara hann. Maður verður bara að venjast því. Það er svosem allt í lagi ef maður fær að sofa nánast óslitið á nóttinni. Hann er bara sætur þegar hann er að rumska... Maður heyrir í honum, fer inn í herbergi og þá situr hann og er hálfsofandi að leita að snuðinu sínu. Svo leggjum við hann niður aftur með snudduna og þá er hann dottinn út með það sama:) Svo hef ég gleymt að setja það inn á bloggið að dúllan okkar er farin að segja mamma (þónokkuð síðan það var) og svo segir hann líka nei og babba stundum:) Það er æðislegt að heyra hann segja þessi fáu orð sem hann kann. Hann spjallar þó heilan helling í viðbót. Við bara skiljum það ekki.

Nú ætla ég að halda áfram að læra:)

Kveðja Bjartsýna og jákvæða Ósk:)

Loksins

2008-11-15T11:02:00.004Z

Raggi vinsæll !

Krakkarnir að leika sér. Júlía Björk og Emilía Ósk eru mjög hrifnar af Ísak Andra:)

Já það er svei mér þá bara kominn tími á nýja færslu.

Síðan síðast þá er Raggi kominn á fertugsaldurinn, hehe:)

Það komu fullt af vinum og vandamönnum í kaffi hérna á afmælisdaginn. Ég ákvað að setja inn myndir af því. Þetta var voða gaman. Allt of sjaldan sem maður hittir allt þetta fólk. Það eru allir alltaf svo uppteknir. Við erum engin undantekning þar á. Mér finnst samt að maður eigi að reyna að finna meiri tíma til að hitta vini sína... Það er alltaf svo gaman þegar það gerist. Við einmitt fórum seinasta sunnudag til Rósu og Jóa að spila. Ekkert smá langt síðan að við gerðum það og við skemmtum okkur mjög vel. Það er líka nauðsynlegt að fara út og gera eitthvað annað en að hanga yfir sjónvarpinu öll kvöld!

Það er eitthvað að róast yfir skólanum núna í sambandi við verkefni og krossapróf. En auðvitað er farið að styttast í jólaprófin og ég þarf að vinna marga kafla upp fyrir það. Raggi er komin í mánaðar fæðingarorlof núna svo ég geti einbeitt mér að skólanum. Enda þörf fyrir það. Ég er að klára og þá er ekkert í boði að vera illa lærður. Ég er ekki búin að geta lært eins og ég vildi yfir önnina en næ vonandi að vinna það upp núna:)

Svo er ég líka búin að reyna að hafa tíma til að sinna áhugamálinum mínu sem er að taka ljósmyndir ef þið vissuð það ekki. Og það er ekki mikill tími sem ég hef í það en ég er nú samt búin að afreka eitthvað. Tók myndir af Helenu og Evu Maríu seinustu helgi. Svo fór ég á miðvikudaginn í Njarðvík til Elvu vinkonu og tók myndir af Rúnari Óla og frænku hans Birtu Rós. Ég er bara ánægð með afraksturinn og er þakklát fyrir alla æfingu sem ég fæ. Er að fara yfir myndirnar og það tekur smá tíma... En setti nokkar á facebook og Flickr síðuna mína svo það er hægt að sjá eitthvað af þessu:) Mér finnst þetta rosalega gaman og þó að þetta sé ekkert professional þá sé ég alveg hvað maður tekur miklum framförum á að æfa sig og fikta.

Ísak Andri er sprækur og æðir út um allt:) Hann stendur líka upp við allt núna og er rosa montinn! Við erum ennþá að vinna með svefninn hans. Vá hvað ég hlakka til að það komist í lag! Þetta virðist eitthvað vera að skána en í seinustu viku vaknaði hann kl. 5 á morgnana í nokkra daga í röð og ekki séns að fá hann til að sofna aftur. Tvær síðustu nætur höfum við fengið hann til að sofna aftur sem betur fer og daglúrarnir hans eru að breytast eitthvað líka sem á eftir að hafa góð áhrif á nóttina. En það er svo yndislegt að eiga þennan gullmola að maður er svosem ekki að væla of mikið yfir þessu. Það sagði enginn að það væri bara auðvelt að eiga barn. En það er það besta í heimi eins og ég hef oft sagt!!!

Endilega að kvitta svo ég sjái hverjir eru að skoða síðuna.

Nú er friðurinn úti!

2008-10-29T13:30:00.004Z

Þetta er spennandi:)Jæja best að taka til eftir sig!!

Mér finnst ég svo sem ekki hafa neitt að segja núna... Erum bara heima þar sem Ísak Andri er veikur núna. Hann er með smá hita og hálsbólgu. Hann er voða lítill eitthvað. Svaf bara upp í hjá okkur í nótt því okkur fannst svo ljótt hljóð í honum. Það varð líka ekki svo mikið um svefninn. Við vorum að komast á ról með að taka svefnrútínuna í gegn og ég ætla að vona að það fari ekki úr skorðum núna.
Við fórum með hann í vigtun og sprautu seinasta fimmtudag. Hann er orðinn 8.2 kg og 71.5 cm. Bara flottur. Læknirinn sagði að hann yrði örugglega langur og grannur. Hann fæddist nefninlega einu staðalfráviki fyrir neðan meðaltal í hæð og þyngd og fylgir alltaf línunni sinni í þyngd en hann er kominn í meðaltalslínu í hæð núna. Svo var hann ekkert smá duglegur að fá sprautuna og varð ekkert slappur af henni. En hann er með banaexem í kinnum og ég á að fara með hann í ofnæsmispróf bara til að útiloka að þetta sé bara exem en ekki fæðuofnæmi. Vonandi kemur það bara vel út.
Annars er litli guttinn okkar sprækur og er farin að fara út um allt hús á rassinum. Bara sætt að sjá hann og hvað hann er snöggur líka. Hann fer auðvitað beint í hluti sem hann á ekki að fara í:) Sjónvarpsskápurinn er mjög spennandi og læt ég fylgja myndir af því þegar hann opnaði hann einn daginn og var aðeins að kíkja á hvaða dvd myndir mamma og pabbi eiga. Hann er mjög orkumikill og stoppar ekki þegar hann er vakandi. Sem er bara eins og það á að vera. Svo er hann líka alltaf að spjalla meira og meira og koma með ný hljóð sem við erum himinlifandi að heyra. Bíðum spennt eftir því að heyra eitthvað sem við skiljum eins og mamma eða pabba:) Það gæti alveg farið að koma.
Af okkur Ragga að frétta er ekkert merkilegt fyrir utan það að kallinn er að verða 30 ára á laugardag:) alveg að komast á fertugsaldur, hehe... Við ætlum að vera með smá kaffiboð fyrir vini og vandamenn til að halda upp á þetta. Held að þetta sé í fyrsta skipti sem Raggi samþykkir að halda upp á afmælið sitt. Kannski er þetta aldurinn. haha:) Skrýtið hvað tíminn líður hratt eftir 20 ára afmælið. Mér finnst ég bara alltaf vera 18 ára og nýbúin með grunnskóla. En nei maður er bara að orðinn fullorðinn með ábyrgð og svona skemmtilegheit.
Já og af verkefnum og prófum að frétta er það að mér gekk rosa vel. Eiginlega betur en ég þorði að vona þar sem ég náði ekki að læra alveg eins mikið og ég vildi. Fékk svo bara þessar fínu einkunnir:) Maður er greinilega skipulagðari þegar maður á barn.

Jæja ætla að reyna að gera eitthvað á meðan litli sæti sefur...

Tíminn líður hratt...

2008-10-22T09:36:00.006Z

Litli sakki sokkur mjakar sér út um allt á rassinum og finnst ekkert skemmtilegra en að lemja sjónvarspskápinn. Hann er alveg að fara að skríða á 4 núna... Gerist rosa hratt. Það er sko ekki eins erfitt að teygja sig í hlutina þegar maður getur hreyft sig um og þá er komið að því hjá foreldrunum að fara að kenna hvað má og hvað má ekki. Gaman að því:)

Með Rúnari Óla vini sínum:)

Langt síðan ég bloggaði síðast. Enda var frekar mikið að gera í seinustu viku. Verkefni lokið. krossaprófum lokið og umræðutíma lokið. Svo gerði Raggi skírnartertu. Nóg að gera umfram þetta venjulega.
Við enduðum svo vikuna á að fara í sumarbústað með Elvu, Elvari og Rúnari Óla. Þau buðu okkur að koma með sér og það var alveg æðislegt. Mikið spjallað! Hlegið, borðað, spilað og haft gaman með litlu grallarana. Við gátum meira segja farið í pottinn með strákana því hann er yfirbyggður.

Jæja ég ætla ekki að hafa þetta lengra núna. Set inn meira næst. Við erum að fara með hann í vigtun og sprautu á morgun. Það verður gaman að sjá hvað hann er orðinn þungur og stór:)

2008-10-09T21:16:00.003Z

Já ég er bara sætastur...

Hann var í smá myndatöku hjá mömmu sinni þessi elska. Þótti sko ekki leiðinlegt að sprikla á sprellanum í rúminu okkar:) Bara sætur og flottar myndirnar sem ég náði af honum.

Ég ákvað að setja inn færslu þar sem ég þurfti aðeins að stoppa í lærdóm. Er að læra eins og brjálæðingur núna. Í næstu viku er ég BARA að fara í 2 krossapróf, skila verkefni og sjá um umræðutíma. Merkilegt hvað þetta hrúgast upp á sama tíma. Svo róast þetta aðeins og er ekki svona mikil törn fyrr en bara í jólaprófunum. Próftaflan kemur einmitt á morgun og ég er spennt að sjá hvernig þetta raðast hjá mér. Vonandi ekki allt ofan í öllu og á síðasta degi sem er 20 des! Það er sko meira en að segja það að vera í háskóla með lítið barn.

Kallinn okkar er að verða 8 mánaða á morgun. Ég trúi því varla hvað þetta líður hratt. Um þetta leyti fyrir 8 mánuðum var ekkert að gerast og ég talaði við Rósu í símann. Svo bara um miðja nótt vaknaði mín með verki og 5,5 tímum eftir það komið barn. Já lífið breyttist frekar mikið á stuttum tíma:) Bara yndislegt að hugsa til dagsins sem hann fæddist. Og hann er fullkominn. Þið skiljið þessa væmni sem eigið börn og þið hin eigið bara eftir að upplifa þetta...

Hann var svona lítill. Sakna þess bara stundum að vera með svona lítið kríli, þau stækka allt of hratt.

Sjáiði flottu tönnslurnar mínar:)

2008-10-06T14:59:00.005Z

Já einn daginn vorum við Raggi að leika okkur með syni okkar. Þetta er ein útgáfan af taubleiu á hausnum. Langaði að sýna ykkur tennurnar hans:) Svo er önnur útgáfa af gamalli konu. Hann var ekki að fíla það eins mikið, hehe.

Við fórum í skírn á laugardaginn þar sem stelpan hjá Telmu og Svenna var skírð. Hún heitir Kara Mjöll. Rosa flott nafn finnst mér. Það var mjög fínt og fékk maður nóg af góðum kökum. Þar á meðal skírnartertuna sem Raggi gerði. Hann vissi nafnið semsagt kvöldið áður og ég var ekkert smá forvitin. Hann ætlaði síðan heldur betur að ná mér á laugardaginn þegar hann var að skreyta kökuna og spurði mig hvort hann ætti ekki bara að segja mér nafnið þar sem hann væri að fara að setja það á kökuna. Ég myndi bara þykjast ekkert hafa vitað. Ég var ekkert smá hneyksluð á honum og sagðist nú alveg geta beðið í 2 tíma í viðbót og myndi sko alveg virða það við þau að ég ætti ekkert að vita. Svo fattaði ég að hann var bara að testa mig þar sem ég er mjög forvitin og ætlaði aldrei að segja mér neitt. Ég er mjög fegin að hafa staðist það, haha... Annars hefði hann notað þetta óspart á mig.

Svo á laugardagskvöldið fékk ég sms frá Söru um að hún og Birna væru að fara að fá sér bjór og spurði hvort ég vildi ekki kíkja. Ég var ekkert smá fegin því ég var ekki að nenna að glápa á sjónvarpið enn eitt kvöldið og laugardagur í þokkabót... Þannig að ég var bara leiðinleg við Ragga og skildi hann eftir heima og kíkti á þær. Það var rosa gaman. Langt síðan við gerðum þetta og það var mikið spjallað og var mjög gaman. Ég drakk tvo bjóra og var bara vel í því. Algjör hæna:) kom ekki heim fyrr en um 2. Sem er mjög seint í ljósi þess að við erum að vakna á milli 5 og 6 þessa dagana.

Það er svolítið mikið vesen búið að vera á honum Ísak Andra á nóttinni og við erum að reyna að koma svefninum í betri rútínu þannig að hann sofi meira á nóttinni. Erum orðin frekar langþreytt og þetta er ekki alveg að virka þar sem við erum í skóla og vinnu. Svo er hann að sofa vel á daginn. Ætlum að reyna að fækka daglúrunum hans og athuga hvort hann sofi meira á nóttinni þá. Nenni ekki lengur að vera komin á fætur um 6. 7 er alveg fínt bara. Kannski er þetta bara út af tanntöku en hann er orðinn mjög góður af bakflæðinu og er bara rosa hress og kátur strákur. Hreyfiþroskinn er á flugi núna og hann er alltaf að hreyfa sig meira og öðruvísi.

Ég ætla ekki að hafa þetta lengra núna, nógu langt samt sem áður. Við erum að fara að heimsækja Telmu og co. Hún á afmæli í dag! Til hamingju sæta:) Svo erum við stelpurnar í saumó að fara að hittast með krílin okkar seinna í dag og borða saman. Hlakka til.

Svo sendum við kveðju til Steina á Siglufirði, Habba í Búðardal, Valda í Noregi, Egga í Austurríki og Himma á Nýja-Sjálandi. Bræður manns eru út um allt núna. En ég fæ að sjá þá alla um Jólin!!

Kossar og knús, Ósk, Raggi og Ísak Andri.

2008-09-28T18:05:00.003Z

Mamma með gullin sín, vantar Birnu Líf og Árna Kristinn
Flottu feðgarnir
Ísak Andri á leið í bað:)

Löngu kominn tími á nýja færslu. Hef samt ekki mikið að segja núna. Lífið gengur sinn vanagang og það er mikið að gera hjá okkur. Ísak Andri dafnar vel og er alltaf að þroskast. Maður sér breytingu liggur við á hverjum degi. Okkur finnst hann orðinn svo stór og mannalegur:)

Magnað hvað hann gefur okkur mikla gleði!

Set inn meira við tækifæri en þið verðið að láta myndirnar duga ykkur núna...

2008-09-16T12:36:00.004Z

Á leiðinni í göngutúr:)

Ég var klukkuð af Þorgerði og verð því að deila þessu með ykkur...

Fjögur störf sem ég hef unnið.

Humarvinnsla í fiskanesi
Hjúkrunarheimilinu Eir á alzheimerdeild
Skammtímavistunni Eikjuvogi
Bláa lónið

Fjórar bíomyndir sem ég held uppá.

Wedding singer
Walk the line
Forrest Gump
X-men
Og endalaust margar myndir í viðbót.

Fjórir staðir sem ég hef búið á.

Grindavík: Borgarhraun og Arnarhraun
Reykjavík: Njálsgata og Laugarásvegur

Fjórir sjónvarpsþættir sem mér líkar.

So you think you can dance eru í langfyrsta sæti!
Greys anatomy
Desperate houswifes
Friends

Fjórir staðir sem ég hef heimsótt í fríi.

Spánn
Portúgal
Holland
Noreg
Og fleiri

Fernt matarkyns sem ég held uppá.

Kjúklingur
Humar
Pizza
Og allt annað sem Raggi eldar

Fjórar bækur sem ég hef oft lesið.

Skólabækur!
Man ekki eftir bókum sem ég hef lesið oftar en einu sinni, geri þó ráð fyrir að það verði nokkrar barnabækurnar í framtíðinni...
Bækur í uppáhaldi núna eru : Flugdrekahlauparinn, þúsund bjarta2r sólirbn og munkurinn sem seldi sportbílinn sinn. Inbrrthnr yiurd89p (Ísak Andri er að tjvá sig líka J) c bkkhimgfhq9ikkkm

Fjórir bloggarar sem ég klukka

Elva Björk
Unnur p-efkmð

Ella Dís

nhjeo´n´ver

Já það eru ekki margir af þeim sem ég umgengst að blogga...

Annars er allt fínt að frétta. Ísak Andri er reyndar eitthvað búin að vera pirraður og svefninn í smá ólagi seinustu tvær nætur. Við höldum að það sé tanntakan. Ef hann heldur þessu áfram förum við bara til læknis og látum skoða hann. Vonandi er þetta bara tennurnar en ekki eyrun eða eitthvað. Vonum það besta:)

Við Raggi erum á fullu í ræktinni og hann var að byrja í 12 vikna áskorendakeppni í orkubúinu en ég er enn í konuátakinu sem er í 8 vikur. Læt ykkur vita hvernig það gengur:)

Það er því brjálað að gera á þessum bæ sem er bara fínt. Manni leiðist ekki á meðan...

Saumó á miðvikudag. Komnar ú sumarfríi og ekki laust við að maður sé spenntur að hitta þessar skvísur. Mér finnst kominn tími á að við tökum smá djamm saman. Bara í heimahúsi eða eitthvað. Hvað finnst ykkur stelpur??

Allir að kvitta í komment núna þó það sé bara kvitt og ekkert meira.

7 mánaða

2008-09-13T07:04:00.006Z

Í rauðu náttfötunum sem ég keypti þegar ég var ólétt og fannst heil eilífð þar til barnið mitt myndi passa í þau! Bara sætur í þessu:)

Já ég er bara rosa sætur í rúminu mínu:)
Á ég að fara að sofa. Æi mamma!

Jæja, það er komin rúmlega vika síðan síðasta blogg var sett inn. Fólk er greinilega á þeirri skoðun að það verði að vera vikulegt blogg, sem er bara fínt. Það er nottla orðið frekar mikið að gera hjá okkur og ekki enn gefist tími í að dúlla í einhverju svona. En þar sem maður er vaknaður kl. 6 á laugardagsmorgni þá er ekkert annað að gera en að skella inn færslu.

Ísak Andri situr á leikteppinu og er orðinn svo duglegur að sitja einn að maður þarf ekki að sitja alltaf yfir honum ef hann skyldi nú detta. Þvílíkur þroskamunur sem er að eiga sér stað. Það er meira á hverjum degi held ég bara. Það sem hann er er farin að gera núna hefur hann meira vald á á morgun.

Það gengur ekkert smá vel að hafa hann í sínu herbergi. Ég hélt að þetta yrði eitthvað mál, en neinei gengur bara eins og í sögu og allir farnir að sofa meira og betur. Það er bara snilld að fá að sofa og ég er ekki frá því að við séum að vinna upp svefn seinustu mánuða. Ísak Andri er samt annað slagið að vakna um 6 en það kemur oftar fyrir að hann sofi til 7 sem er góð framför.

Hann fékk aðra tönn nokkrum dögum eftir að sú fyrsta kom og er farið að sjást og heyrast vel í þeim. Bara sætt... Við Inga erum að passa fyrir hvor aðra og eru hann og Helena því mikið saman. Þau eru svo sæt. Það eru 2 1/2 mánuður á milli þeirra en þau eru svipað stór, hann meira segja þyngri. Svo er hún auðvitað farin að skríða út um allt og hann situr bara og fylgist með henni. Svo rífast þau um dótið og svona:)

Annars er bara gott að frétta. Nóg að gera. Mér lýst bara vel á skólann og held að þetta verði bara gaman. Er ekki með þennan leiða sem ég var komin með og þá er þetta skemmtilegt.

Set líka inn tvær myndir úr bústaðnum. Átti það alltaf eftir...

2008-09-04T09:16:00.006Z

Maður er svo duglegur að sitja einn:)

Jæja þá er ég byrjuð í skólanum. Það er svolítið skrýtið en gaman samt. Ég fékk gamla tilfinningu við að fara í skólann á þriðjudag og er bara frekar spennt fyrir haustinu. Ég var komin með svo mikinn skólaleiða að ég naut þess ekki að vera í skóla en núna er ég svo fersk og tilbúin í þetta. Hlakka til að klára þetta. Fann fyrir miklum söknuði til Kristínar Birnu og Þóreyjar en við vorum mikið saman í skólanum og þær eru báðar komnar með sína BA gráðu. Skrýtið að vera allt í einu ekkert í kringum þær núna. Lóa verður held ég í einhverjum tímum með mér og það verður gaman að hitta hana.

Það verður mikið að gera á þessu heimili og því nauðsynlegt fyrir okkur Ragga að vera skipulögð. Það er sko allt annað að vera 2 eða 3 í heimili. Maður verður að hafa meiri tíma til að eyða saman. Það er svo mikill þroski í gangi hjá Ísak Andra að það er ótrúlegt. Þessi börn verða alltaf minni og minni ungabörn og mér finnst hann sko ekkert ungabarn lengur. Hann er farin að gera svo margt og ég sé bara hvað það verður mikið að gera þegar hann fer að skríða og labba. Hann er farin að sitja mjög vel einn þó við förum ekki frá honum. Það kemur alltaf að því að hann dettur en þó líður alltaf lengri og lengri tími á milli. Svo er hann líka farin að færa sig út um allt og farin að ýta sér afturábak með höndunum. Það er bara tímaspursmál hvenær hann fattar endanlega hvernig á að skríða. Hann ýtir sér oft upp á hné og ýtir rassinum upp en fattar ekki að nota fremri hluta líkamans með til að hjálpa að koma sér áfram. Hann er alltaf svo duglegur að borða og heldur sjálfur á pela og stútkönnu. Skapið er enn til staðar og þegar hann missir dót eða nær ekki í það þá verður hann stundum bara reiður. Það er bara sætt að fylgjast með honum því persónuleikinn skín alltaf meira í gegn með meiri þroska.

Nýjasta í fréttum með Ísak Andra er að hann er búin að sofa tvær nætur í sínu eigin herbergi. Við ákváðum að færa hann því hann er orðinn svo stór stákur. Ég var farin að sofa svo illa því hann byltir sér svo mikið þar sem hreyfigetan er svo mikil og ég var alltaf að rumska við þessi læti og hann steinsofandi. Ég var líka á þeirri skoðun að pabbi hans væri of fljótur að sinna honum ef hann heyrði í honum og væri þar af leiðandi að vekja hann með þessu veseni við að laga hann til og vera ofurpabbi:) Taka það fram að Raggi er ekki sammála mér með það. Fannst ég bara vera of hörð, hehe. En Ísak Andri búin að vera rosa duglegur strákur þessar tvær nætur og svaf frá því að hann sofnaði um 8 á kvöldin alveg þar til hann vaknar á morgnana sem er ennþá kl. 6, og þá er maður bara glaðvaknaður. Það er svaka munur að vera ekki alltaf að vakna nokkrum sinnum á nóttinni og því held ég að allir séu sáttari og fái betri svefn. Okkur finnst þetta svolítið skrýtið og við söknum þess að hafa hann ekki alveg hjá okkur en við ætluðum alltaf að setja hann í sitt herbergi snemma og erum ánægð með hvað það gengur vel. Merkilegt hvað foreldrarnir þurfa að aðlagast öllum breytingum líka:)
Já, þá held ég að hafi ekki meira að segja. Er bara ánægð með lífið og litla gullmolann minn.

Að spjalla við pabba sinn...

Fyrsta tönnin komin:)

2008-08-29T19:26:00.001Z

Já síðan við fórum í bústað er ýmislegt að frétta...
Það sem allir vita er að:
Ísland er stórasta land í heimi og við fengum silfur í handbolta á ólympíuleikunum:)

Það sem færri vita er að:
Ísak Andri er komin með fyrstu tönnina sína:) bara gaman. Pabbi hans fann hana og skuldar þar af leiðandi Ísak Andra gjöf. Við vorum búin að bíða lengi eftir þessari tönn, héldum alltaf að þetta væri að koma og vorum svo eiginlega hætt að pæla í þessu því hún var ekkert að láta sjá sig.
Svo er líka í fréttum að Ég er að fara að eignast lítið frændsystkini í byrjun mars á næsta ári. Eggi elsti bróðir minn á von á sínu fyrsta barni og samgleðst ég honum og Önnu innilega. Alveg hreint æðislegt. Mamma er semsagt að fara að fá níunda barnabarnið á níu árum! Loksins þegar börnin hennar fóru að fjölga sér hætta þau ekki:)
Inga hans Valda ætlar að vera með Ísak Andra fyrir okkur þar til Raggi fer í fæðingarorlof um miðjan nóv. Hann fer því ekki til dagmömmu fyrr en eftir áramót. Stór hnútur hvarf úr maganum á mér sem kemur aftur seinna örugglega:) Ég verð líka aðeins með Helenu fyrir hana því hún er að byrja að vinna smá en hún passar nú meira fyrir mig þessi elska. Mér finnst miklu betra að vita af honum hjá ættingjum og hann og helena eru svo góð saman og á svipuðum aldri. Hann er líka svo hrifinn af Ingu!
Raggi verður svo heima í mánuð og ég get lært fyrir prófin mín og svo fer ég ekki í skólann eftir jólafrí fyrr en um miðjan janúar. Bara flott plan. Ég er rosalega ánægð:)
Ég er að byrja í ræktinni á mánudag í átakshóp og hlakka rosalega til. Tími kominn á að bæta lífstílinn. Er bara búin að þyngjast síðan Ísak Andri hætti á brjósti. Við Raggi ætlum að taka okkur á og vera aðeins meira healthy. Maður þarf víst að vera góð fyrirmynd fyrir börnin sín:)

Það var æðislegt að vera í bústaðnum. Mamma kíkti til okkar eina nótt og svo komu Valdi og Inga tvær nætur. Það var mjög gaman að fá þau öll og það var mikið spilað og borðað... Við litla fjölskyldan höfðum það næs og reyndum að hlaða batteríin og njóta þess að vera saman.

Nú förum við í sumarfrí...

2008-08-21T12:20:00.007Z

... Loksins! Við erum að fara upp í sumarbústað og verður þar í viku. Eins og fólk hefur tekið eftir er ég mjög spennt fyrir því:) Ég ákvað að blogga þar sem það kemur ekki nýtt blogg fyrr en eftir að minnsta kosti viku...

Hann er bara fallegur:)

Ég er að æfa mig á myndavélinni og er að fá nokkrar góðar myndir. Þetta er ekkert smá skemmtilegt hobbý og ég á sko eftir að vera í þessu áfram:) Við Sara getum líka skroppið saman í ljósmynda ferðir einhvern tímann. Hún er rosa klár með sína vél. Þið getið kíkt á flickr síðurnar okkar hér af link á síðunni...

Við Ísak Andri vorum að koma úr vigtun og sprautu. Hann er orðinn 7.460 kg og 66.5 cm langur. Bara flottur. Hann var alltaf undir meðalkúrfunni en er kominn yfir meðaltal núna. Hann er svo duglegur og sætur. Hann er alltaf að gera eitthvað nýtt og er orðinn algjör kúrikall. Það er svo gott þegar hann leggur sig upp að manni og er að knúsa mann. Það er svo góð tilfinning að vera svona mikilvægur gagnvart barninu sínu. Þegar fólk er að tala við hann og við höldum á honum þá hjúfrar hann sig upp að manni eins og hann sé feiminn. Bara sætt. Samt er hann ekki mannafæla eða neitt þannig. Allavega ekki ennþá:) Svo er hann nánast farin að sofa alla nóttina og eiginlega hættur að fá næturpelann. Það er sko lúxus. Við erum að fara á fætur á milli 6 og 7 á morgnana. Er rosa sátt þegar ég fæ að sofa til 7:) En plúsinn er að á móti er hann að fara að sofa upp úr 8 á kvöldin. Og þá er tíminn okkar... Það er notalegt að fá smá tíma fyrir sig.

Mynd af kúrikallinum eldsnemma að morgni til (sem útskýrir hvað mamman er sjúskuð, hehe)

Svo ætla ég að óska Telmu og Svenna innilega til hamingju með gullmolann sinn. Þau eignuðust stelpu í gær:) Ég er að fara á eftir að máta hana og hlakka ekkert smá til. Telma var gangsett þar sem stelpunni leið svo vel hjá mömmu sinni. Hún ætlar greinilega að vera þrjósk. Hún og Ísak Andri verða góð saman:) Bara æðislegt...

Þar til næst, knús og kossar til ykkar. Pollýanna og co.

Stór Strákur

2008-08-13T11:08:00.000Z

Helena Anja og Ísak Andri úti í góða veðrinu

Jæja þá er kominn tími á nýja færslu finnst mér.
Ísak Andri er orðinn 6 mánaða og mér finnst hann orðinn rosa stór. Hann var 7 kg í síðustu vigtun en það eru 3 vikur síðan og bara ein vika í næstu vigtun. Hann er líka farin að síga heldur betur í. Okkur finnst eins og hann hafi á einni nóttu hætt að vera ungabarn og orðið barn... Hann er til dæmis farin að drekka einn til tvo pela á dag og borðar því meira af maukuðum ávöxtum, grænmeti og graut. Svo drekkur hann líka úr stútkönnu og veltir sér út um allt og er kominn út á gólf áður en maður veit af. Það er sko ekki hægt að líta af honum núna. Hann sveiflar sér á magann af bakinu um leið og hann er lagður niður og stundum er eins og hann ætli hreinlega að skríða af stað. Þetta er svo mikill þroski sem er í gangi að það er ótrúlegt. Maður sér bara hvað hann er orðinn miklu meira athugull og meðvitaður um umhverfið sitt. Það er svo sætt líka þegar hann kúrir sig að manni þegar hann verður pínu feiminn. Greinilega farinn að gera mun á þeim sem hann þekkir vel og illa. Þetta er bara yndislegt barn og auðvitað það fallegasta í heiminum:) Ég elska þegar allir eru að segja hvað hann er sætur og með falleg augu og svona. Maður getur rifnað úr stolti! En svo eru allir að segja að hann sé alveg eins og pabbi sinn. Skil ekki hvað fólk er að tala um!! Neinei segi svona. Hann er voðalega líkur Ragga:)
En Ísak Andri er orðinn miklu betri eftir að hann fór í höfuðbeina og spjaldhryggsmeðferðina. Hann er stundum eins og annað barn. Miklu ánægðari með lífið:) Svefninn á nóttinni er eitthvað aðeins að stríða okkur. Erum að vinna í því að koma því í lag.

Við skruppum í sumarbústað til Guðrúnar Helgu og Yngva síðustu helgi og vorum yfir eina nótt. Það var bara næs! Við vorum bara að slappa af, spila og borða:) Hefði vilja vera lengur... En við erum svo að fara í okkar bústað þann 22. og verðum í viku þá:) Ég hlakka ekkert smá til. Það verður örugglega yndislegt. Svo er bara að styttast í að ég fari í skólann að klára loksins og Ísak Andri til dagmömmu. Hann fer til hennar Rúnu í borgarhrauninu. Ég er ekki tilbúin að setja hann til dagmömmu og ég kvíði alveg hrikalega fyrir því. En svo þegar ég pæla í því þá er þetta erfiðara fyrir mig en hann. Hann verður bara í 4 tíma og mun að öllum líkindum sofa í 2 af þeim tímum. En svona er þetta. Ég ætla allavegana ekki að fresta náminu meira. Svo er ég alltaf að velta fyrir mér hvað ég geri í sambandi við meira nám og eru margar hugmyndir búnar að poppa í kollinn á mér. En ég er á þeirri skoðun núna að ég ætla að fra í framhaldsnám í sálfræði og verða sálfræðingur. Held ég verði bara ágæt í því starfi:)

Bestu kveðjur, Óskin sem er að pæla á fullu:)

2008-08-02T19:51:00.006Z

Jæja...

Ekki mikið að frétta héðan af bæ.

Við fórum með Ísak Andra í vigtun um daginn þegar hann var akkurat 5 1/2 mánaða. Þá var hann slétt 7 kg. og 65 cm. Hann er að verða svo stór og sígur sko í þegar maður heldur á honum. Hann fékk sprautu líka og við fundum ekki fyrir neinni óværð eða hita hjá honum. Hann er nú samt búinn að vera frekar erfiður undanfarna viku og held ég að það sé bakflæðinu að kenna. Ég fór með hann aftur í höfuðbeina og spjaldhryggsmeðferð og viti menn, hann var miklu betri í nótt. Hún sagðist finna mikla spennu hjá vélindanu þannig að þetta stemmir alveg. Vona að þetta fari að þroskast af honum. Þoli ekki þegar honum líður illa greyinu.

Annars er hann fullur af krafti og yfirleitt er hann að bylta sér á alla kanta í rúminu sínu og stundum er hausinn kominn þar sem fæturnar voru upphaflega:) bara fyndið að sjá hann þegar maður fer að sinna honum.

Við erum bara heima um helgina og Karel er hjá okkur þar sem Heiða og Maggi fóru til Danmerkur. Strákarnir skruppu í bíó og ég ætla bara að horfa á step up 2 á meðan og hafa það gott!

Set inn sætar myndir úr baðinu hjá honum... Í sætinu sem Þorgerður og Siggi gáfu honum.

Hvað er verið að troða mér í baðið í þessu dóti??

Jæja best að smakka aðeins á þessu...

...Svo er líka hægt að leika í bíló:) brrrr

Mig langar að þakka fyrir kommentin. Gaman að sjá hverjir fylgjast með...

Brúðkaupsafmæli

2008-07-28T15:01:00.003Z

Já við Raggi erum búin að vera gift í eitt ár. Ekkert smá fljótt að líða... Held við þurfum bara að fara að yngja upp eða eitthvað:) hehe. Já við erum voða fullorðinn eitthvað núna. Gift með barn. Samt er maður eins. Þetta ár hjá okkur er auðvitað búið að vera viðburðaríkt og búið að einkennast af óléttu og að sjá um ungabarn. Þetta er bara búið að vera æði:) Ég hefði ekki getað trúað hversu mikla hamingju barnið manns getur veitt manni. Að vera foreldri er best í heimi. Skil ekki af hverju maður var eitthvað að bíða með þetta. Annars hef ég alltaf sagt að börnin koma bara þegar þau koma.

Ísak Andri fór í pössun til Heiðu ömmu á laugardag og við Raggi fórum á pottinn og pönnuna að borða og svo á batman myndina í bíó. Svo ætlaði Raggi að bjóða mér óvænt á hótel og Ísak Andri átti að gista í fyrsta skipti annars staðar en heima hjá sér. Það gekk ekki alveg upp. Minn maður vildi bara ekkert sofa nema heima hjá sér og við þurftum að ná í hann á miðnætti þar sem hann var enn vakandi og frekar pirraður:/ hann var rosa ánægður að sjá okkur og sofnaði um leið og hann var lagður í SITT rúm. Frekar ákveðinn ungur maður er óhætt að segja, farin að stjórna því hvort að foreldrarnir komast á hótel eða ekki. Okkur var samt eiginlega sama þar sem maður gerir sér grein fyrir því að börnin ganga fyrir þegar eitthvað svona er. Ekki lætur maður þau gráta og bæta við gráum hárum á afa og ömmu. Hann er bara yndislegur. Ákveðinn og veit hvað hann vill. Við eigum spennandi tíma framundan það er á hreinu.

Ákvað að setja inn eina af þeim Rúnari Óla og Ísak Andra, þeir eru svo sætir:)

Hverjum er hann líkur??

2008-07-22T07:45:00.007Z

Fallegastur

Ósk

Raggi í miðjunni

Já Það er alltaf verið að tala um hvað Ísak Andri er alveg eins og pabbi sinn. Reyndar er einn og einn sem segir að hann sé eins og ég:) En ég skannaði inn myndir af okkur Ragga síðan við vorum lítil og langaði mig bara að sýna ykkur að hann er líkur okkur báðum. Okkur finnst hann mjög blandaður. Gaman að spá í þessu. Ég held samt að hann eigi eftir að verða eins og pabbi sinn. Hann er eitthvað svo líkur honum með margt. Raggi var svona nettur eins og Ísak Andri er en ég var feitari. Svo er hann líka morgunhani eins og pabbi sinn og ýmislegt þannig. En auðvitað á hann eitthvað frá mér. Barnið er skapmikið og þrjóskt og ég hef heyrt því fleygt að ég geti verið þannig þó ég kannist ekkert við það, hehe... Ætli það verði ekki árekstrar í framtíðinni vegna þess:)

Við áttum æðislega helgi. Við fórum í bústa sem Guðrún og Tjörvi buðu okkur hinum úr foreldrafræðslunni í. Við vorum komin fljótlega upp úr hádegi á laugardeginum og vorum fram á miðjan sunnudag. Þetta var í fyrsta skipti sem við förum eitthvað svona með Ísak Andra og gekk það bara vel. Hann var samt alveg var við að vera ekki heima hjá sér. Var aðeins órólegri en hérna heima en samt ekkert til að tala um þannig. Vaknaði bara upp um kvöldið og tók smá tíma að sofna aftur. Krakkarnir eru öll svo miklar dúllur. Við foreldrarnir spiluðum pictionary og actionary og það var mjög gaman. Mikið spjallað og hlegið:) Skruppum líka aðeins í pottinn. Fórum ekki að sofa fyrr en frekar seint og maður var líka þreyttur þegar sá stutti vaknaði um morguninn. Fórum bara að sofa snemma á sunnudagskvöldið. Takk fyrir helgina öll sömul!!

Við erum svo búin að panta okkur bústað í lok ágúst og ætlum að vera í viku og njóta lífsins áður en ég byrja í skólanum og allt fer á fullt. Það eru spennandi tímar framundan. Telma fer að koma með kærustuna hans Ísaks Andra og bumbúbúinn hennar Guðrúnar Helgu fer að láta sjá á mömmu sinni:) Ég er orðin enn meiri barnakerling en ég var... ef það er hægt:) Við erum líka að fara að kíkja á eitt glænýtt kríli sem Elvar og Alla voru að eignast. Ég var búin að spá í því hvort það væri satt þegar fólk segist gleyma því hvað börnin þeirra voru lítil og ég er búin að komast að því að það er satt. Það eru nú ekki nema rúmir 5 mánuðir síðan ég átti og ég man ekki hvað barnið mitt var lítið og furða mig á því þegar ég held á litlum nýfæddum sætum krílum eins og Teresu og Þrastar.

hlakka hlakka

2008-07-15T00:59:00.002Z

Hann Rúnar Óli kom í heimsókn og það var rosa gaman. Þeir voru eitthvað að skoða hvorn annan og reyna að togast eitthvað á. Þeir eru svo sætir strákar. Við grilluðum saman og kjöftuðum og erum svo að fara að hitta tvö pör í viðbót með börn á sama aldri næstu helgi í sumarbústað. Það verður örugglega rosalega gaman líka. Á morgun er Kristín Birna og dúllan hennar að koma til okkar og hlakka ég til að hitta þær.
Við kíktum í Keflavík í dag því við héldum að Ísak Andri væri að fá í eyrun, en hann er bara flottur sagði læknirinn og við þurfum ekki að hafa áhyggjur af því. Ég spurði hann svo út í bakflæðið og hann sagði að það gæti tekið nokkra mánuði í viðbót að jafna sig... Ekki gaman að því þó hann sé mun betri en hann var. Við förum svo með hann fljótlega í sprautu og vigtun.
Annars gengur bara vel og hann sefur orðið mjög vel og lengi á nóttinni oftast. Við erum því farin að hvílast ágætlega. Það er greinilega satt að maður missi um 2 mánuði af venjulegum svefni fyrsta ár með lítið kríli. Það er ýmislegt sem fylgir. Þetta er bara yndislegt líf að eiga barn! Ég gæri ekki verið hamingjusamari með hann og við Raggi furðum okkur reglulega á hvað hann er fullkominn.
Ég er farin að prjóna aðeins núna. Komst í gang þegar ég sótti prjónavesti sem hún Svanhvít elskan gerði handa mér. Ekkert smá flott. Núna verð ég bara að gera svona sjálf. Svo get ég líka farið að prjóna á Ísak Andra og fleiri kríli ef ég hef tíma. Það er nú eitt bumbukríli í viðbót á leiðinni hjá bestu vinkonu minni. Það kemur í lok janúar 2009:) Bara gaman... Svo fer Telma að eiga bráðum:) Ég hlakka svo til!
Jæja kominn tími á að sofa eitthvað í hausinn á sér.
Ég hlakka líka svo mikið til á miðvikudag því þá er stelpukvöld!

2008-07-05T09:31:00.003Z

Ákvað að setja inn nokkrar flottar myndir:)

Ísak Andri er ekkert smá duglegur að kafa og er þetta fyrsta myndin sem við náum af honum í kafi.

Svo voru Angela Björg og Kjartan Árni í pössun hjá okkur og þau voru auðvitað voða dugleg að leika við litla frænda sinn. Ísak Andri er eins og albinói við hliðina á þeim. Þau eru búin að taka svo mikinn lit í sumar! Ekkert smá fyndið að sjá muninn á þeim.

Maður er bara ástfanginn af þessu barni...

Kjartan Árni kom svo með okkur í bæinn og græddi nú heldur betur á því. Við vorum í bónus að versla og hann birtist með latabæjarlínuskauta og spurði Ragga hvort hann vildi ekki kaupa þá handa sér. Raggi segir nei og ég bæti við að þeir kosta nokkra þúsundkalla. Þá segir sá stutti "nei, þeir kosta bara 1 þúsund". Ég trúði því nú ekki og segi að ég skuli sko með glöðu geði gefa honum línuskautana ef þeir kostuðu bara þúsundkall. Hann dregur mig með sér í búðinni og sýnir mér hvar þeir eru. Og haldiði að þeir hafi ekki bara kostað 998 kr. Ég nottla keypti þá. Maður á auðvitað að standa við það sem maður segir við börnin!! Mér fannst þetta samt frekar fyndið. Hann kom heim með þetta og spidermanderhúfu alsæll:)
Jæja Ísak Andri vill fá athygli frá mömmu sinni. Best að sinna því og fara svo í sund:)
Þangað til næst, knús til ykkar.

Smile

2008-07-01T00:37:00.000Z

Langaði bara að deila með ykkur að þessi snillingur sem við eigum svaf frá 10 í gærkveldi til 7 í morgun. Þetta er í fyrsta skipti sem hann sleppir næturgjöf og það var frekar spes. Ég var bara ringluð þegar ég vaknaði en ekki laust við að vera úthvíld eftir svona samfelldan svefn. Maður er orðinn svo vanur að vakna til að gefa pelann og það er ekkert mál, en þetta má alveg halda svona áfram samt sem áður:) Hann er búinn að fara einu sinni í höfuðbeina- og spjaldhryggsmeðferð því okkur fannst hann vera að versna aftur af bakflæðinu og ég held að það virki vel. Við förum svo aftur á morgun til hennar Rósu hér í Grindavík. Ég held líka að hann sé svona mettur af grautnum sem hann fær fyrir nóttina. Honum finnst hann rosa góður. Ísak Andri er svo kátur þegar honum líður vel. Þá brosir hann og hlær og mér finnst ekki leiðinlegt að ná því á mynd. Hér er ein af syrpu sem ég tók. Hinar myndirnar eru líka æði...
Já og ég fékk 6 í prófinu sem ég tók um daginn. Er nú ekkert svaka sátt við það því mér fannst mér ganga svo rosalega vel, en ég náði.

Það er svo gaman í sundi...

2008-06-25T07:29:00.003Z

Ísak Andri er ekkert smá flottur í sundinu. Hann er rosalega duglegur og finnst þetta æði. Okkur finnst þetta nú heldur ekkert leiðinlegt og það má sjá á myndunum að við erum alltaf skælbrosandi af gleði:) Hann er farin að kafa á fullu!
Hann er farin að sofa aðeins lengur á morgnana eða til 7 sem er fínt. Það er svo gaman þegar hann vaknar því hann er alltaf svo kátur, bara hjalar og brosir út í eitt. Einhvern tímann sagði ég að það væri ókristilegt að fara á fætur fyrir 8 á morgnana og ég virkilega meinti það. Svo núna er ég mjög sátt ef hann vaknar ekki fyrr en 7. Skrýtið hvað hlutirnir breytast þegar maður eignast barn. Ég var ekki vön að vera að ryksuga og þvo þvott fyrir hádegi, en svo finnst manni þetta svo eðlilegt og í raun skrýtið að hugsa til þess þegar við vorum 2. Það eru nú samt ekki nema 4,5 mánuðir síðan það var. Og ég man þegar Raggi sagði um jólin ,,svo verður eitt lítið 10 mánaða kríli við borðið á næsta ári" og mér fannst ekkert smá skrýtið að hugsa til þess... Ætli hann verði ekki farin að labba þá miðað við hvað hann nennir ekki að vera lítill. Kiddý var einmitt að benda okkur á að það væri nú ekki sniðugt þegar þau fara svona ung af stað því þau eru svo miklir óvitar. Maður hefur heyrt af börnum sem eru bara mjög pirruð á hlutunum þar til þau geta farið að hreyfa sig úr stað, hehe. En svo veit maður ekkert. Það getur verið að hann bíði fram yfir áramót. Þau mega alveg vera lítil í smá tíma. Mér finnst tíminn fljúga áfram...
Já og af mér og Ragga er það að hann er bara mjög ánægður að kokka í hitaveitunni og fólkið held ég bara ánægt með matinn, annað væri skrýtið. Og ég fór í próf uppi í Háskóla 20. júní og gekk rosa vel. ég fæ líklega útkomuna öðru hvoru megin við helgina.
knús og kossar...

2008-06-17T11:14:00.002Z

Það er nú ekki mikið að frétta af okkur. Við erum bara að hafa það gott:) Langaði bara að setja inn myndir af krúttinu okkar. Hann dafnar og dafnar. Hann er að þroskast svo mikið og maður sér mun á honum dag frá degi næstum því. Hann er farinn að hafa svo mikið vald á höndunum og rannsakar allt með þeim og stingur upp í sig... Svo er held ég ekki langt í það að hann velti sér á magann. Hann fer á hliðina en stoppar þar. Þvílíkur kraftur alltaf í honum. Bara nennir ekki að vera lítill:) Annars er hann farinn að taka upp á því að vakna hálf 6 á morgnana!!! ætlum að reyna að breyta þeirri þróun strax. Barnið má nú alveg sofa til 7 takk.
Ungbarnasundið er æði. Mæli sko hiklaust með því!! Hann fór í kaf í seinasta tíma og það var bara ekkert mál. Hann fór ekkert að gráta eða neitt. Ótrúlegt hvað maður er stoltur af öllu sem hann gerir og finnst hann bara flottastur í heimi. Merkilegt að vera foreldri. Áður fyrr hefði mér nú bara fundist þreytandi að hlusta á fólk eins mig, hehe.
Jæja hef þetta ekki lengra núna. Við Neo ætlum út að skokka í fallega veðrinu!

Sofandi á leikteppinu:)

2008-06-10T21:52:00.001Z

Já hann er ekkert smá mikil dúlla þetta barn. Hann ákvað einn daginn eins og svo oft áður að byrja daginn kl. 6, mömmu sinnar til mikillar mæðu þar sem henni finnst gott að sofa. Og ég ætlaði að reyna að treina það að setja hann í vagninn svo rútínan færi ekki í algjört rugl og hann myndi nú kannski sofa til 7 næsta morgun. Ég var að brjóta saman þvott og ákvað að leggja hann á leikteppið, ganga frá þvottinum og setja hann svo í vagninn. Hann var vakandi þegar ég labbaði í burtu en þegar ég kom til baka sá ég son minn svona sætan steinsofandi. Hann bara lognaðist út af án þess að væla neitt. Algjör dúlla.
Við vorum að koma úr ungbarnasundi og það var æði. Set inn mynd af því næst:) Hann er farinn að hlægja meira og í dag datt mér í hug að gera eitthvað fáránlegt hljóð og hann hló aftur og aftur að þessu. Ég náði því á video og svo þegar ég var að horfa á videoið þá skellti hann upp úr í hvert skipti sem hann heyrði hljóðið í upptökunni. Ég held að ég hafi hlegið jafn mikið mér fannst þetta svo gaman!!
Og gott fólk, hann er með augun mín, bara svo ég fái nú að eiga eitthvað. Annars er hann bara líkur pabba sínum. Það er svosem ekkert verra, mér finnst pabbi hans helv... sætur. Annað væri nú verra, hehe.
Skrifa fljótlega og set inn fleiri myndir. En það er samt ástæða fyrir bloggi en ekki barnalandi. Ég nenni ekki að eyða of miklum tíma í þetta. Þið verðið líka að hitta okkur oft til að sjá litla prinsinn almennilega:) Takk fyrir kommentin, love you guys:)

sæti sæti

2008-06-03T16:45:00.002Z

Já hann er bara sætur þessi strákur:) Honum finnst ekkert smá gaman í baði og sturtu. Við erum að fara í ungbarnasund í 8 skipti og byrjum í næstu viku. Ég hlakka rosalega mikið til og þetta verður örugglega mjög gaman.

Ísak Andri er alltaf jafn duglegur strákur og er farinn að fá eina skeið af graut fyrir kvöldpelann sinn. Þetta hjálpar til við bakflæðið en hann kastar mun minna upp þar sem innihaldið í maganum verður þykkra við þetta. Honum finnst þetta ekkert gífulega gott en kvartar samt ekki yfir þessum mat:) Við ákváðum að skella honum bara í stólinn sinn þegar hann fær þessa heilu teskeið og venja hann við það. Hann er ekkert smá flottur í honum... Það gengur bara vel með hann núna. Það er svo yndislegt að honum sé farið að líða vel í mallanum.

Hann sefur þokkalega á nóttinni en ætlar að verða eins og pabbi sinn með það að þurfa ekki of mikinn svefn, hehe. Hann er alltaf vaknaður 7 á morgnana og ekki seinna en það. Þá er það bara góðann daginn og við fáum bros fyrir allan peninginn:) Yndislegt. Annars er hann ekkert að gefa
brosin frítt eins og Helena frænka hans. Hún er með svo mikið jafnaðargeð á meðan frændi hennar er mun ákveðnari. Bara fyndið hvað þau eru með mikinn persónuleika strax frá fæðingu!

Jæja hef ekki miki meira að segja. Seinasta helgi var bara fín. Sjómannadagshelgin. Við fórum niður á bryggju á laugardag og sunnudag og létum okkur hafa veðrið þá. Nenntum ekkert á djammið samt.

Endilega setjið inn komment. Það er svo gaman að sjá hverjir fylgjast með okkur:)

smá fréttir

2008-05-29T21:30:00.002Z

HÆHÆ.
það er eitthvað verið að skamma mig fyrir að vera ekki nógu dugleg að setja inn færslur!
Ég hef bara mikið að gera en hendi inn einni stuttri núna. Ég er farin að vinna sem vaktstjóri á videoleigunni í Grindavík. Ég sé um hana að vissu leyti og er að vinna cirka 50% sjálf. Það er bara fínt en ég finn hvað er miklu meira að vera að vinna með svona lítið barn. Þetta er samt fínt. Raggi er alltaf með hann þegar ég er að vinna þannig að það er ekki eins og maður sé að henda honum í pössun... Raggi fer svo að vinna á mánudag á fullu í lóninu. Hann er reyndar að kokka í hitaveitunni og færist yfir í lónið við tækifæri. Alltaf verið að breyta þarna.
Já ég set inn eftir helgi skemmtilegri færslu með mynd af gullinu okkar:)

2008-05-18T21:16:00.003Z

Jæja maður er nú ekki alveg eins duglegur að blogga og fyrst, en samt sem áður man ég alltaf eftir þessu annað reglulega;)
Ísak Andri dafnar vel og líður mun betur en áður. Greinilegt að þetta magavesen er að þroskast af honum. Hann er samt ennþá með bakflæði en það tekur lengri tíma að jafna sig. Hann fór í fyrstu sprautun sína í síðustu viku og gekk það bara vel. Hann var ekkert að væla þessi sterki strákur og varð ekki veikur, bara pínu pirraður um kvöldið og nóttina. Hann er líka rosa sterkur og þegar maður leggur hann á magann þá bara veltir hann sér endurtekið á bakið. Nennir ekkert að hanga á maganum. Stundum finnst mér eins og hann nenni ekki að vera ungabarn. Getur örugglega ekki beðið eftir að fara almennilega af stað:) Hann er orðinn 5,5 kg. og 59,5 sm. Helena frænka hans sem er 2,5 mánuðum eldri er ekki nema hálfu kg þyngri og 2 sm. Það er ótrúlegt hvað það er orðinn lítill munur á þeim. Mér fannst hún risastór þegar hann fæddist. Mér finnst hann líka orðinn rosa stór þegar ég sé þessi lítlu nýfæddu kríli sem eru að hrannast upp í Grindavík núna:)
Við Raggi fórum á Jet black Joe tónleikana á föstudag og fór Ísak Andri í fyrstu pössun til Heiðu ömmu. Það gekk bara vel. Hann vakti svolítið, var ekki heima hjá sér en var samt góður:) Tónleikarnir voru algjör snilld, ekkert smá gaman!! Það er svo nauðsynlegt að fara líka bara tvö og vera að kærustuparast... Allir foreldrar hafa gott af því. Við vorum alveg að kyssa hann í klessu áður en við fórum og svo bað ég Ragga að hringja í hléi til að athuga hvernig gengi og hann bara hló að mér. Ekkert smá stressaðir foreldrar. Maður veit alveg að þessi kríli hafa það gott í pössun en það er bara svo rosalega skrýtið að skilja þau eftir hjá öðrum. En þetta er eins og ég sagði áðan nauðsynlegt fyrir alla aðila. Samt langar okkur bara alltaf að hafa hann hjá okkur:) Magnað þetta foreldrahlutverk.

Litli mann á maganum

Ég nenni ekkert að hanga hér og æfa einhverja vöðva

Hvað ertu að láta mig gera mamma, mjög pirraður!
Þetta barn en nottla bara fallegast í heimi!!!

Þar til næst:)

2008-05-06T22:15:00.003Z

Takk takk fyrir afmæliskveðjurnar og gjafirnar. Það mætti halda að ég hafi átt þvílíkt stórafmæli.
Ég fékk pening í afmælisgjafir frá fjölskyldunni og nokkrum vinum líka ásamt fallegum gjöfum... Fyrir peninginn sem ég fékk er ég búin að kaupa mér flotta myndavél. Það er Canon E-350 týpa sem ég fékk notaða ásamt aukalinsu, minniskorti og tösku á góðan díl. Hún er eins og ný hún er svo vel með farin. Núna get ég farið að fikta við þetta en mig hefur langað það lengi en þetta er bara svo dýrt hobbý. Sniðugt að byrja svona í notuðu. Svo þarf ég bara að læra á þetta allt saman. Bara gaman.
Raggi er búinn að vera heima núna síðan á föstudag og er það bara næs. Hann vann auka í seinustu viku og er því í fríi í staðinn í þessarri viku:) Það er ýkt næs að hafa hann heima.
Ísak Andri er farin að verða enn betri finnst okkur og í gær vorum við nú bara að velta fyrir okkur hvar barnið okkar væri. Hann svaf svo vel og var ekkert að kvarta þessi elska. Vonandi fer honum að líða betur. Ömulegt svona magavesen...

Feðgar fóru saman í sturtu í dag og það var auðvitað myndað á flottu vélina!!

Mamma á afmæli!!

2008-05-03T10:44:00.003Z

Já ég á afmæli í dag og ég bara varð að setja inn færslu því ég er svo mikið afmælisbarn.
Allt gott að frétta af okkur. Ísak Andri er að verða betri finnst okkur en lætur samt hafa smá fyrir sér sem er bara fínt! Hann er yndislegur og auðvitað bara fallegasta barn í heimi:)

Við vorum að reyna að ná flottri mynd af okkur en þær urðu svolítið hreyfðar. Mér finnst þessi flott samt...

Gleðilegt sumar öllsömul!

2008-04-24T16:48:00.003Z

Já í dag er sumardagurinn fyrsti og hann er bara ekkert sumarlegur. Við látum það ekki á okkur fá og erum bara ánægð með að það er komið formlegt fyrsta sumarið hans Ísaks Andra.
Af okkur að frétta er það að hún Berta í Grindavík er að nudda barnið í nokkur skipti og við erum að vona að það lagi mallakútinn hans. Við ætlum að prófa að hætta að gefa honum gaviscon í smá tíma og athuga hvort einhver munur sé á honum. Allavegana sefur hann núna og við gáfum honum það ekki og hann sefur aldrei á þessum tíma dags! Okkur fannst þetta orðinn vítahringur þar sem hvað eftir annað tók við og kannski er bara best að gefa þeim ekkert og gera eitthvað annað náttúrulegra. Ég er svo sjálf að fara í nudd til hennar til að losna við vöðvabólguna og það er geggjað næs.
Svo er bara nóg að gera hjá okkur. Ég fór í saumaklúbb á mánudag og svo var frænkuhittingur í gær sem var rosa gaman. Feðgarnir bara saman í rólegheitum á meðan mamman þvælist.

Gleðilegt sumar!!

Stór strákur

2008-04-19T20:36:00.003Z

Já það er nóg að gera hjá okkur og maður er bara alltaf á fullu að gera eitthvað:)
Við fórum með Ísak Andra til læknis í gær þar sem hann er búinn að vera frekar óvær og með í maganum. Hann er með bakflæði og við eigum bara að halda áfram að gefa honum gaviscon og minifom. Ekki gaman að vera alltaf að troða einhverju í hann en þetta hjálpar greinilega og honum líður betur þannig að auðvitað höldum við þessu áfram. Þetta á svo að þroskast af honum og kemur það bara í ljós hvenær það verður.
Við tókum rúmið hans inn til okkar áðan og svaf hann í því áðan. Fer held ég bara betur um hann þarna en í litlu vöggunni. Hann er allavegana sáttur. Hann er farin að taka lengri lúra á nóttinni okkur til mikillar ánægju þar sem við hvílumst þar af leiðandi betur og meira:) Alltaf er eitthvað þroskamerki í gangi hjá honum og hann hjalar og hjalar við okkur og brosir út að eyrum. Hann er að þyngjast vel núna og er alltaf að fá ábót þó mismikla. Ég vona að ég geti gefið honum móðurmjólkina sem lengst því hún er nottla næringarríkust!
Raggi er búinn að vera í helgarfríi núna sem var kærkomið og þvílíkt næs að hafa hann heima:)
Svo var ég að fatta að það eru ekki nema tvær vikur í að ég verði 25 ára. Farin að verða nær 30 en 20!

Hér eru myndir af feðgunum, Ísak Andra í prjónafötunum frá Þorgerði og sofandi í fyrsta skipti í rúminu sínu.

Hallóhalló

2008-04-11T17:42:00.004Z

Komiði sæl.
Af okkur er bara ágætt að frétta...
Það virðist sem að hann Ísak Andri okkar sé með bakflæði og því sé hann búinn að vera pínu önugur og með í maganum að okkur sýndist. Það er allavegana að virka rosa vel að gefa honum smá gaviscon eftir gjafir þar sem hann var að æla töluvert. Það minnkaði svakalega og hann bara lognast út af en er ekki pirraður eins og hann var búinn að vera. Sólveig ljósa veit hvað hún syngur greinilega. Hann þyngist flott núna og er farin að vilja minni ábót þannig að greinilegt er að hann er að fá meira hjá mér:) Bara flott.
Annars er það af okkur Ragga að frétta að hann er bara að vinna þessa dagana smá auka sem er fínt í budduna en leiðinlegt að hann sé alltaf að fara frá okkur á nóttinni. Við spjörum okkur svo sem en það er alltaf betra að hafa hann heima! Þeir voru tveir heima feðgar í gær þar sem ég þurfti í skólann og svo fórum við Guðrún Helga í smáralind að dandalast. Ekkert smá gaman hjá okkur fannst mér að minnsta kosti.
Svo er það mál málanna að ég er að fara í smá aukadjobb við sölumennsku. Ég er að fara að kynna Avon snyrtivörur og er ekkert smá spennt fyrir því. Eins og þið vitið þá finnst mér ekki leiðinlegt að tala og ég er félagsvera þannig að þetta er tilvalið fyrir mig til að gera eitthvað skemmtilegt og breyta til í hversdagsleikanum.
Þannig að undirbúið ykkur undir að þurfa að vera á kynningu hjá mér því ég vil auðvitað plata sem flesta til að bjóða fólki til sín í kynningu:) Ætla nú samt ekkert að vera mega uppáþrengjandi. Var að velta fyrir mér að æfa mig á saumaklúbbnum mínum næst og stelpur endilega kommentið og látið mig vita hvernig ykkur lýst á það!! Svo er fínt að æfa sig á fjölskyldunni líka:)
Ragga og Guðrúnu Helgu halda að ég eigi eftir að standa mig með prýði í þessu og það er gott að vita að fólk hefur trú á manni, maður er ekki nógu góður í því sjálfur...

Sætu mæðginin, mamma þolir illa flass!

Sæti sæti strákurinn:)

Fyrir Fjólu frænku...

2008-04-07T19:30:00.005Z

Jæja kominn tími á smá færslu...
Það er fínt að frétta af okkur. Ísak Andri er yndislegt barn. Hann er orðinn 8 vikna. Tíminn flýgur! Við erum farin að þurfa að gefa honum smá ábót þar sem mamman var ekki alveg að sinna eftirspurn barnsins. Við viljum auðvitað að hann þyngist vel og þá gerir maður það sem þarf. Svo getur vel verið að við getum hætt ábótinni ef vel gengur að auka framleiðsluna hjá mér. Vonum það bara. Við viljum allavegana helst gefa honum bara mjólkina úr mér. En maður gerir bara eins vel og maður getur því það er ekki hægt meira en það. Hann var hjá barnalækninum í seinustu viku og fékk toppeinkunn fyrir utan hvað hann var að þyngjast hægt. Hann er farin að halda haus og er ótrúlega sterkur. Verður sterkur eins og pabbi sinn:)
Set inn tvær myndir af fallega barninu ásamt umsögn um stjörnumerkið hans...

Þessi er fyrir Guðrúnu Helgu!

Að halda haus

Vatnsberi 20. janúar - 18. febrúar

Vatnsberabarnið fer fljótt sínar eigin leiðir hvort sem það er í fataburði, hugsun eða hegðun. Það er uppfinningasamt, frumlegt og fullorðinslegt og lærir snemma að tjá sig og skila heim fullorðinna. Litli vatnsberinn vill sjá um sig sjálfur og fara sínu fram og er oft á tíðum mjög dramatískur. Ef honum leiðist gæti hann átt það til að stofna til vandræða bara til að fá spennu og drama inn í líf sitt. Besta uppeldisaðferðin er fólgin í umræðu og skynsamlegum fortölum. Vatnsberinn er þrjóskur og lítið þýðir að skipa honum fyrir eða beygja hann til hlýðni með skömmum. Best er að koma fram við barnið sem vitsmunalegan jafningja því vatnsberinn er hugarorkumerki og því skipa umræður og skynsamlegar fortölur fyrsta sæti. Vatnsberabörnin geta sýnt ást og væntumþykju á frekar ópersónulegan hátt. Þau eru yfirleitt vingjarnleg og yfirveguð en ekki mjög tilfinningasöm og oft illa við mikið kjass.

Músímúsí

2008-04-01T21:34:00.006Z

Já þetta barn er bara yndislegt:)
Hann er svo góður og fallegur að maður skilur það varla...
Hann er farin að brosa svolítið til okkar og hjala. Það er svo gaman þegar hann tekur sig til og talar við okkur. Svo er hann svo mikið krútt þegar hann vill sjúga á sér hendina:) Ef maður fær ekki snuðið þá bara reddar maður sér, bara sætt. Svo finnst honum líka gaman að vera í poka framan á mömmu sinni og rölta um. Það er margt að gerast þó hann sé lítill því manni finnst allt svona lítið vera skemmtilegt og merkilegt. Vonandi nennir einhver að lesa svona pistla en það er ekki hægt annað en að vera smá væminn og svona þegar maður er að upplifa sásamlega hluti.
Þar til næst... mamman

Til heiðurs Hilmars Frænda

2008-03-30T15:39:00.005Z

Hann Hilmar frændi á afmæli í dag hann er 37 ára.
Og honum til heiðurs birti ég myndir af honum ( líka af mér auðvitað)

Stolta mamman skrifar

2008-03-27T12:33:00.008Z

Það er allt gott að frétta af okkur. Við vorum í skoðun hjá Sólveigu í morgun og dafnar litli kúturinn okkar vel. Hann er búinn að stækka um heila 3 sm. á tveimur vikum. Mér finnst litla barnið mitt bara stækka og stækka... hann er bara flottur. Ég er farin að setja föt frá sem eru orðin of lítil. Þetta er svakalegt!
Við fórum í bæinn í dag þar sem ég fór í skólann og Raggi fór bara með Ísak Andra á fund á meðan. Ekki seinna vænna en að fara á AA fund en 6 vikna, hehe. Við vorum svo boðin í mat til Elvars og fjölskyldu seinni partinn. Það var rosa gott.

Ísak Andri gerði sér lítið fyrir og velti sér af maganum á bakið tvisvar sinnum í gær. Ég lagði hann á magann á leikteppið og hann bara vippaði sér á bakið. Ég varð auðvitað rosa spennt og kallaði á Ragga og hann gerði þetta bara aftur fyrir pabba sinn. Hann er svo sterkur, myndast við að halda haus og spyrnir vel með fótunum og svona. Ætlar að verða stór og sterkur strákur! Svo er hann farinn að brosa til okkar og hjala, bara yndislegt:)

Læt fylgja með myndir af fallega barninu okkar.

Á leikteppinu sínu...

Sæti snuddustrákurinn:)

Engill og Djöfull

2008-03-22T11:46:00.004Z

Jæja, ætla ég að henda inn einni færslu með engri mynd af gullmolanum.
Við Raggi fórum í afmæli til Rósu Kristínar á fimmtudag og var það alveg rosalega gaman. Unnur Perla kom og var hjá Ísak Andra á meðan og gekk það mjög vel. Hann vakti í klukkutíma hjá henni voða góður og sofnaði svo bara:)
Það var mjög skrýtið að fara bæði frá honum og okkur fannst það svolítið erfitt. En við höfðum bara gott af því. Vorum nú ekki í burtu nema í 2 1/2 tíma.
Annars gengur bara vel með hann, magaóþægindin eru hætt held ég bara og hann er farin að sofa betur á daginn. Hann er samt alltaf vakandi vel reglulega og ég held að hann ætli að verða eins og pabbi sinn og þurfa ekki of mikinn svefn. Hann sefur allavegana mun minna en ungabörn á hans aldri. En sem betur fer er hann vær þegar hann vakir og sefur vel á nóttinni. Við erum bara lánsöm að fá að hafa hann vakandi og geta talað við hann og fá félagskapinn hans...

Kaka sem Raggi gerði handa Rósu í tilefni dagsins. Bara flott!!

Hjónin í búningunum. Tökum okkur bara vel út finnst mér:)

Ég og afmælisbarnið... Geggjaður pönkari!

Gleðilega páska gott fólk!!

Pollýanna skrifar:)

2008-03-18T12:10:00.006Z

Hjá Böggu ömmu, þessi er fyrir þig Fjóla:)

Í fanginu á Unni frænku:)

Gott að knúsa mömmu svona nývöknuð...

Það er allt gott að frétta af okkur. Við erum bara út um allt þessa dagana með Ísak Andra með okkur. Rosalega gaman að taka hann með því þá er maður svo frjáls. Maður nennir takmarkað að hanga heima hjá sér. Við fórum í fermingu á sunnudag hjá Jóni Steinari frænda mínum. Ísak Andri svaf bara næstum allan tímann, vaknaði einu sinni til að drekka og búið. Fólkið var nottla að dást að barninu og sparaði ekki stóru orðin um hvað hann er skýr og fallegur.
Hann er að fara í vagninn á hverjum degi þar sem veðrið er bara gott og um að gera að nýta það:) Hanne sefur svo vel í vagninum og finnst þetta fríska loft greinilega ekki slæmt. Við vorum að koma núna úr kirkjunni þar sem við fórum á foreldramorgun. Hann svaf í vagninum á meðan ég var inni að tala við hinar mömmurnar. Það var rosa fínt og gott að komast út á morgnana þar sem við erum oftast bara inni vakandi þá. Þetta er alltaf á þriðjudögum og held ég bara að ég kíki áfram á þetta. Maður hefur bara gott af öllu svona.
Annars er maður alltaf að gera eitthvað í fyrsta skipti með hann og það er æðislegt. Hann fór til dæmis í fyrsta skipti í bað með pabba sínum í gær og fannst það rosalega gott. Svo er verið að fara að passa hann í fyrsta skipti í alvöru tíma á fimmtudag þar sem við Raggi ætlum bæði að mæta í 25 ára afmæli Rósu Kristínar:) Það verður gaman!
Raggi er að vinna núna smá auka út af öllum fermingunum og verður eitthvað að vinna um páskana þegar hann átti að vera í fríi. Við erum samt að spjara okkur vel án hans þó að auvitað er alltaf betra að hafa hann heim hjá okkur. Ég er orðin rosa skipulögð og maður ræðst í húsverk í hvert skipti sem tækifæri gefst til. Dagurinn er orðinn frekar rútinaður hjá mér. Fyndið hvað allt breytist við komu ungabarns á heimilið. Mér finnst ég stundum vera með 2 börn þar sem auðvitað þarf að sinna Neo líka og hann greyið þarf alltaf að bíða eftir að ég er búin að sinna Ísak Andra. En Neo er samt góður og virðist ekkert vera abbó. Hann fær sína athygli líka...
Já þar hafiði það. Bara stuð á litlu fjölskyldunni og við erum svo hamingjusöm með litla engilinn okkar, og hvort annað auðvitað líka!!

Maður er að verða svo stór:)

2008-03-15T13:12:00.003Z

Jæja kominn tími á smá update hérna.
Ísak Andri fór í vigtun og mælingar á miðvikudaginn og kom það rosa vel út. Hann er orðinn 3720 gr. og 51 cm. Hann er semsagt búinn að þyngjast um ca. 7oo gr. síðan um fæðingu og lengjast um 2 cm.
Við fórum svo öll fjölskyldan í bæinn á fimmtudag þar sem ég þurfti að mæta í verklegan tíma í skólann. Raggi var hjá frænku sinni á meðan með Litla kút.Við fórum svo í Baby sam í skeifunni og versluðum smá þar. Það var ekkert smá gaman að fara með hann með í bæinn. Hann nottla svaf þetta bara af sér. Svo í gær var hann passaður í fyrsta skipti þó það hafi nú bara verið korter eða svo. Málið er að ég þurfti á pósthúsið og Raggi var að vinna þannig að Unnur frænka mætti á svæðið og passaði litla molann á meðan...
Það er því mikið um að vera hjá litlum manni:)
Svo er hér mynd af honum að fara í vagninn í fyrsta skipti!! Veðrið er yndislegt og ákvað mamman að setja hann út í smá tíma þar sem hann er búinn að vera órólegur og með í maganum undanfarið. Þar af leiðandi hefur hann átt erfitt með að festa svefn eftir gjafir, en er sem betur fer vær á nóttinni! Honum hefur greinilega fundist þetta gott og steinsofnaði fljótlega. Svo var hann bara tekinn inn og heldur áfram að sofa þar. Við erum núna bara að bíða eftir Ragga svo við getum kíkt í smá göngu. Bara gaman:) Við erum síðan að fara í fermingarveislu á morgun. Nóg að gera hjá litlu fjölskyldunni.

Fleiri myndir...

2008-03-11T13:21:00.004Z

Verið að klæða mann í skírnarfötin. Voða skýr og vakandi.

Pabbi hélt á mér undir skírn:)

Svo svaf maður bara af sér skírn og veislu...

Sjá næstu færslu líka... Það gekk eitthvað brösulega hjá mér að setja inn myndirnar og því setti ég bara inn tvær færslur... Annars er allt gott að frétta af okkur. Gengur rosa vel með fallega drenginn okkar og við erum að fara í vigtun til Sólveigar á morgun. Leyfum ykkur að fylgjast með því... Raggi er farinn að vinna aftur. Það er frekar skrýtið en hversdagleikinn tekur víst við einhvern tímann. Við Ísak Andri spjörum okkur án hans í smá tíma á dag:)

Myndir!

2008-03-11T12:42:00.004Z

Guðrún Helga Guðmóðir með Ísak Andra í fanginu:)

Foreldrarnir og Guðforeldrarnir með litla kút...

Litla sæta fjölskyldan

Ísak Andri

2008-03-08T16:28:00.004Z

Já í dag fékk ég þetta flotta nafn Ísak Andri.
Mamma og pabbi eru rosalega ánægð með nafnið mitt og ég líka. Það passar svo vel við mig:)
Skírnin var kl. hálf 1 og svo var veisla í verkalýðshúsinu í Grindavík eftir á. Það mættu helling af yndislegu fólki til að samgleðjast okkur. Pabbi minn gerði allar veitingarnar og þær voru að vonum mjög góðar enda pabbi snilldar bakari! Litla frænka mín sem er reyndar 2 1/2 mánuði eldri en ég fékk líka nafn. Hún var skírð Helena Anja. Hún er dóttir Valda frænda. Ég fékk rosalega mikið af gjöfum og þakka kærlega fyrir mig.
Presturinn sem skírði okkur heitir Björn Sveinn og hann gifti mömmu og pabba einmitt seinasta sumar þegar ég var bara 12 vikna kríli:) Skírnarvottarnir mínir voru Guðrún Helga besta vinkona mömmu og Yngvi maðurinn hennar. Þau eru alveg frábær.
Ég gerði mér lítið fyrir og gaf Böggu ömmu fyrsta brosið í dag. Vonandi fer ég að brosa á fullu núna! Ég var ekkert smá rólegur og svaf af mér skírnina og veisluna. Ég vaknaði þegar ég var svangur, þá voru flestir gestirnir farnir.
Það koma myndir á eftir eða á morgun, tölvan er eitthvað að stríða mömmu...

2008-02-28T14:00:00.003Z

Jæja ákvað að henda inn stuttri færslu.
Allt gengur bara vel hjá okkur og þetta er alveg yndislegt hlutverk sem maður er komin í. Held það sé ekkert æðislegra í heiminum en að fá að eignast barn og vera foreldri. Vonandi á maður eftir að standa sig vel:)
Hér eru myndir af litla kút í baði og í nuddi. Það er sko ekki slæmt að fá dekur frá upphafi og honum líður voða vel eftir þetta. Svo erum við búin að fara í 2 heimsóknir. Við byrjuðum á því að kíkja til Ingu og Helenu í heimsókn þar sem teknar voru myndir af þeim frændsystkinum saman fyrir boðskortið í skírnina. Þau verða skírð saman þann 8. mars. Styttist í það að hann fái nafn og við þurfum ekki að hafa áhyggjur af því að missa það út úr okkur:) Helena fær svo annað nafn til viðbótar sem við vitum ekki. Eva fékk að vera með á nokkrum myndum líka. Þetta er sko myndarlegur hópur. Litli er bara sofandi á milli þeirra.
Við kíktum svo í kaffi til mömmu í gær og enduðum í mat líka. Það er rosa gott að komast svona út þar sem ég er frekar bundin núna og gaman að kíkja með hann með þar sem það er ekki alveg kominn tími í að fara með hann í vagninn.
Við leyfum ykkur að fylgjast með áfram.
Bestu kveðjur!

Konudagur

2008-02-24T17:16:00.003Z

Til hamingju með konudaginn konur góðar:) Ég var að fatta að núna fer maður að halda upp á mæðra- og feðradag... það er nú bara gaman.
Annars hefur maður ekki mikið að segja. Það gerist ekki mikið hjá manni þegar maður er heima með ungabarn. Hann bara sefur og drekkur. Fékk reyndar svolítið í magann og við keyptum dropa handa honum sem eiga að hjálpa til við að minnka loftmyndun í mallakútnum hans. Það virðist vera að virka þar sem þetta hefur minnkað. Sem betur fer segi ég bara því annars hefði næsta skref verið að ég hætti að borða allar mjólkurvörur, sem yrði til þess að fæðuvalið mitt hefði orðið mjög lítið þar sem ég er pínu matvönd ennþá. En já það gengur enn bara rosa vel með litla engilinn okkar. Sólveig kemur í fyrramálið að vigta hann og verður gaman að sjá hvað hann braggast:)
Annars voru Grindavíkurstelpur að verða bikarmeistarar í körfu áðan. Ég var að horfa á leikinn og hélt reyndar með Haukum þar sem hann Yngvi þjálfar þær. Svolítið súrt að þær töpuðu, fyndið að ég var í alvörunni sorry yfir þessum úrslitum. En aðrir Grinvíkingar eru líklega sáttir:)
Ákvað að setja inn smá myndir þar sem það er nú mest gaman við að skoða bloggið held ég. Litli kútur er farin að fá snuð stundum þar sem hann var farin að snudda mömmu sína eftir að hann var orðinn saddur. Þetta er fínt hjálpartæki sem hjálpar mér að halda geirvörtunum mínum, hehe. Það er bara sætt að sjá hann með þetta þar sem snuðið hylur nánast helminginn af andlitinu. Svo er hérna mynd af mömmunni líka. Ég gafst upp á að bíða eftir góðri mynd af mér. Ég er greinilega bara pínu mygluð þessa dagana. Fer í klipp og lit og plokk og svona fínerí fyrir skírn... Mér finnst seinasta myndin bara flott þar sem hann er með nokkurs konar prakkaralúkk á henni, bara sætastur þetta barn:)
Jæja þar til næst, hann er vaknaður, kossar og knús...

HÆHÆ

2008-02-20T15:36:00.005Z

Jæja það er kominn tími á fleiri myndir finnst fólki:) Hér koma nokkrar sætar. Mamma er svo mygluð á myndunum sem til eru af henni að hún ætlar að geyma það að setja inn mynd af sér. Litli virðist svolítið hissa á fyrstu myndinni og er hann í pabba fangi sem er alveg rosalega gott. Pabbi sér eiginlega alveg um bleiuskipti á meðan mamma sér um næringuna. Allir með sitt hlutverk.
Barnið braggast rosalega vel og þegar hann var vigtaður 8 daga gamall var hann orðinn 3230 gr. sem er mjög gott. Hann er líka alveg rosalega duglegur að drekka og verður líklega alger mathákur:) Það er bara flott hvað hann er góður. Drekkur og sefur þess á milli. Er ekkert að gráta. Neo er búinn að vera duglegur og er ekkert neitt vesen með hann. Við leyfum honum rétt að þefa af krílinu svo hann fái nú að kynnast nýjasta fjölskyldumeðliminum og vita hver hann er.
Við erum því bara í rólegheitum að njóta þess að vera komin með lítið barn inn á heimilið. Þetta eru mjög skemmtileg viðbrigði:)

Yndislegast í heimi

2008-02-15T16:02:00.002Z

Af okkur er allt gott að frétta. Það gengur alveg rosalega með litla kútinn okkar. Við erum í skýjunum og trúum varla að við eigum svona yndislegt og fallegt barn. Hann er hérna á myndinni í öruggum höndum Sólveigar ljósmóður sem baðaði hann í gær með okkur. Við fengum semsagt heimaþjónustu og er hún að kíkja á okkur cirka einu sinni á dag eða í 8 skipti alls. Hún fer yfir það helsta með okkur og er það mjög gott. Hann vigtaður og er brjóstagjöfin sem gengur svona glimrandi vel að skila sér. Hann tapaði varla nokkru af fæðingarþyngdinni sinni og vigtaðist 3060 gr. sem eru aðeins 20 gr. minna en hann fæddist:) Bara flott hjá okkur...
Hér er hann svo sofandi þessi elska.
Enn og aftur takk fyrir kveðjurnar og gjafirnar...

Fallegur drengur fæddur!

2008-02-12T17:19:00.001Z

Þann 10.02.08 klukkan 9:13 eignuðumst við fallegan og heilbrigðan dreng:)
Fæðingin gekk rosalega vel, ég vaknaði við hríðar klukkan 3:30 og komin með 7 í útvíkkun kl. 6 uppi á keflaíkurspítala og farin að rembast rétt fyrir 8 um morguninn.
Við Raggi stóðum okkur alveg rosalega vel og erum við í skýjunum yfir fallega barninu okkar. Við þökkum kærlega fyrir allar hamingjuóskirnar og gjafirnar!!
Við komum heim í morgun og erum bara að taka því rólega og njóta þess dásamlegasta í heimi...

2008-02-08T09:20:00.000Z

Hæhæ. Bara að setja inn nokkrar línur svo þið getið fylgst með:)
Ég var að koma frá Sólveigu þar sem hún var að tjekka á mér. Blóðþrýstingurinn er aðeins búinn að lækka og eggjahvítan mældist + í staðinn fyrir ++ seinast. Góðar fréttir þar. Samt á ég að halda áfram því sem ég er búin að vera að gera sem er ekkert... Hún vill að ég heimsæki Konna á mánudag og sé því í eftirliti þar sem það það þarf að gangsetja konur sem fá meðgöngueitrun því þær eru ekki látnar ganga framyfir. Það má segja það að ég sé í fyrstu tröppu af 3-4 með þetta og er því alls ekki í slæmum málum. Ég er semsagt ekki komin með eitrun ennþá, og fæ hana bara vonandi ekki! Vonandi fer barnið bara að láta sjá sig, maður er að verða ískyggilega spenntur :) Fyrst var ég nefninlega skráð í dag, var svo seinkað um heila 11 daga í 20 vikna skoðuninni.
Annars er það að frétta að veðrið er ömulegt. Það er ekki hægt að gera neitt í þessu, fyrir þá sem mega gera eitthvað, hehe. Ég er hætt að skilja þetta veður fyrir löngu. Það er bara nýtt sem tekur við að öðru og aldrei er það gott...
Ég fór í náttfatasaumó í gær, stalst til þess. Það var rosalega gaman eins og alltaf hjá okkur. Ég var skíthrædd um að blóðþrýstingurinn færi upp þar sem upp koma alltaf umræður sem maður hefur skoðun á og vorum við í djúpum pælingum, segi svona:) Allavegana vorum við farnar að tala svolítið hátt á tímabili þar sem maður vill jú alltaf komast að. Ég er ekki þekkt fyrir að þegja og tala ekki neitt. Við fengum alveg rosalega góða súpu, sem kallast víst skólastjórasúpa. Ég var að smakka þetta í fyrsta skipti og var þetta ekkert smá gott hjá henni Rósu. Svo fengum við meira segja páskaegg þar sem við ætlum að sleppa marsklúbb vegna anna, skírn og afmæli og svona...
Af Ragga er gott að frétta. Hann hugsar vel um mig þessi elska. Hann stendur sig vel í átakinu og er ég stolt af kallinum mínum, sem nottla bara besti maður í heimi!
Jæja ætla ekkert að hafa þetta lengra. Hlakka til að hitta ykkur næst, kannski verðum við bara orðin foreldrar þá?

Pregnancy update

2008-02-05T21:03:00.000Z

Sælt veri fólkið.
Af okkur er fínt að frétta... samt búið að vera smá vesen á mér í dag.
Ég fór í skoðun til Sólveigar og þá kom í ljós að blóðþrýstingurinn var búinn að hækka og komin eggjahvíta í þvagið, sem ekki hefur verið áður. Fyrir þá sem ekki vita þá eru þetta einkenni meðgöngueitrunar og vildi Sólveig senda mig inn í keflavík í frekari skoðanir og vera jafnvel þar yfir nótt. Ég var sett í monitor til að fylgjast með hjartslætti barnsins og kom það bara rosalega vel út, barnið hefur það gott. Svo var tekið blóð og mælt aftur blóðþrýsting og skoðað þvag. Konráð vildi meina að þar sem ég er ekki með bjúg, hausverk og þyngsli fyrir bringunni þá þyrfti ekki að hafa áhyggjur af eitrun, minntist á það þegar hann leit á mig að ég væri ekki eitrunarleg... Blóðprufan var í góðu og þar sem þeim fannst ekki ástæða til að hafa of miklar áhyggjur af hinu tvennu fékk ég að fara aftur heim. En ég má ekki gera neitt svo að þessi tvö atriði versni ekki. Það er ekki mjög spennandi en ég verð bara að vera jákvæð og leyfa Ragga að dekra við mig:) Mér líður samt mjög vel og finnst í raun ekkert vera að mér, sem er mjög gott. Langaði bara að setja smá update svo þið vitið hvað er að gerast.
Vonandi fer krílið bara að láta sjá sig!

Lítið að frétta...

2008-02-02T20:47:00.000Z

37vikur+5 dagar
Svona fyrir þá sem hafa gaman af bumbumyndunum...

Já það er ekki margt að gerast hjá okkur þessa dagana og lítið gaman að lesa bloggið geri ég ráð fyrir. Við erum að bíða spennt eftir krílinu...
Ég fór í skólann á fimmtudag í verklegan tíma í faginu sem ég ætla að taka þessa önn. Kennarinn var svo almennilegur að gefa mér svigrúm í þessa tíma í kringum fæðinguna. Það er nefninlega skyldumæting í þá. Mér leist bara vel á þetta og held að þetta verði ekki mikið mál. Ég fer bara að mæta aftur þegar komin er regla á brjóstagjöf og svona. Prófið úr verklega tímanum er 6. mars þannig að ég hlýt að ná að taka það :)
Raggi stendur sig bara eins og hetja í átakinu sínu og er eins og er í 2. sæti af vinnufélögunum. Hann er búinn að missa 5 kíló núna!
í dag er búið að vera nóg að gera hjá okkur. Við fengum gesti, en Elvar vinnufélagi Ragga og konan hans ásamt dóttir þeirra kíktu á okkur í sveitina eins og þau orðuðu það. Alltaf gaman að kynnast nýju fólki og var rosa gaman að spjalla við þau. Eftir að þau fóru kíktum við í Borgarhraunið þar sem Æsa María átti 4 ára afmæli í dag og fengum við nóg af pizzu að borða þar. Við kíktum svo á Valda og co. aðallega til að sjá hvað hann er orðinn myndalegur því hann er að láta taka tennurnar sínar í gegn og lítur ekkert smá vel út... Eftir að við komum heim kíktu svo Rósa og Jói á okkur sem er alltaf gaman:)
Takk fyrir daginn gott fólk...

Halló

2008-01-29T11:25:00.000Z

Jæja það er komin vika frá seinustu færslu og því ákvað ég að skella smávegis inn hérna:)
Við fórum á sunnudagskvöldið á árshátíð hjá vinnunni hans Ragga og var það mjög fínt. Við fengum rosa góðan mat og eftirrétti. Humar og naut í matinn sem féll ekki illa í kramið þar sem okkur finnst humar alveg mjög góður og Ragga finnst nautakjöt ekki slæmt heldur:) Við stoppuðum ekki lengi þar sem Raggi þurfti að mæta í vinnu um nóttina og ég er nottla mjög ólétt og endist ekki lengi frameftir. Þarf minn svefn...
Í gær fórum við svo með Neo litla krúttið okkar til dýralæknis í aðgerð og voru teknar aukatásurnar hans þar sem þær eru með öllu óþarfar. Það var frekar erfitt að ná í hann því hann var svo dópaður og svo blóð á löppunum hans. Við vorkenndum honum í gærkveldi, hann var svo aumur greyið. Það er ótrúlegt hvað manni þykir vænt um dýrin sín, veit ekki hvernig þetta verður með barn! En Neo er svo bara hinn hressasti í dag.
Ég fór svo í skoðun í morgun og leit allt vel út:) Svo erum við að fara í næstseinasta foreldratímann í kvöld, en Raggi fer einn á fimmtudag í pabbatíma. Það er allt að verða klárt hérna heima fyrir barnið og erum við orðin mjög spennt fyrir þessum einstakling sem á eftir að breyta öllu hjá okkur. Held að fólkið í kringum okkur sé bara orðið mjög spennt líka...
Valdi bróðir átti afmæli í gær... Til hamingju með daginn:)

36 vikur

2008-01-22T18:06:00.000Z

Jæja þá eru komnar 36 vikur og í dag er allsherjar óléttudagur...
Við byrjuðum á því að fara loksins í sónar hjá Konráð. Þar kom allt fínt í ljós. Barnið er komið í höfuðstöðu og í góðum gír. Það er orðið 11 merkur samkvæmt mælingum og stækkar um 1 mörk á viku héðan af:)
Svo var farið til Sólveigar í almenna skoðun og þar var allt í fína nema blóðþrýstingurinn sem virðist eitthvað vilja hækka núna. Ekkert til að hafa áhyggjur af en ég á að leggja mig á hverjum degi og taka því rólega. Það er í góðu lagi. Við fengum svo skýrsluna mína í hendurnar sem staðfestir enn frekar að barnið er að fara að láta sjá sig. Við þurfum semsagt að vera með hana ef ég færi af stað. Annars á ég tíma í næstu viku í almennt tjekk hjá Sólveigu.
Heilsan er bara fín, búin að vera svolítið þreytt seinustu tvo daga sem gæti verið út af þrýstingnum.
Raggi stendur sig vel í átakinu og er búin að missa einhver kíló á þessum tveimur vikum sem eru liðnar núna. Hann verður vigtaður í vinnunni á morgun.
Við erum svo að fara á foreldranámskeiði í kvöld, þannig að þetta er full vinna og barnið ekki enn komið:)
Sigurbjörg og Mekkín: Til hamingju með afmælin í gær!!

Einn mánuður í settan dag:)

2008-01-19T17:57:00.000Z

Já í dag er 19. janúar og því ekki langt í land með meðgönguna. Barnið gæti komið eftir 2-6 vikur, sem er samt ótrúlega langt bil. Segjum bara eftir 2-4 vikur, það er fínt bara...
Raggi ætlar allavegana að láta mig eiga fyrir 19. feb. Hann er orðin svo óþolinmóður greyið. Ég er svo sem alveg sátt við að það láti bara sjá sig um það leyti sem ég var sett fyrst eða um 8.feb:) En það hefur bara gott af því að vera lengur í bumbunni, sem mér er farin að finnast ansi stór!
Við vorum að koma úr afmæli frá Evu Maríu. Hún er orðin 2 ára skotta og var þetta rosa gaman. Ég set inn myndir af krökkunum svona fyrir þá sem eru hinu megin á hnettinum og eru ekki með þau forréttindi að fylgjast með þeim dafna. Eins og má sjá þá eru þessi börn alveg ótrúlega falleg, þó svo ég sé ekki hlutlaus. Ekki eru þau síðri sem búa á Nýja Sjálandi. Væri kannski fínt að fá nýjar myndir á gamilið af þeim...

Eva María, Angela Björg, Kjartan Árni og Æsa María

Helena

Annars er það af okkur að frétta að við erum á foreldranámskeiði þessa dagana og er það bara mjög fínt. Búin að fara tvisvar sinnum og fara í gegnum fæðinguna sjálfa og sjá myndband af vantsfæðingu. Okkur fannst það ekkert rosa æðislegt og Raggi ætlar held ég bara að halda sama sjónarhorni og ég við fæðinguna... Svo var farið í nudd seinast, sem var sko ekki leiðinlegt fyrir nautnaseggi eins og mig. Það verður fínt að láta Ragga púla við að nudda mig þegar ég er að púla barninu út!

Nú er gott að vera KIWI

2008-01-14T12:29:00.001Z

Neo finnst þetta frekar spennandi:)

Jeppinn okkar er þarna undir!

Já í dag er alveg æðislegt veður eða þannig í Grindavík. Það byrjaði að snjóa seinni partinn í gær....og hætti ekki!
Í nótt var nú ekki mikið um svefn. Ég var andvaka vegna brjóstsviða. Raggi vaknaði fyrir 4 eins og vanalega þegar hann er að vinna og fór út til að fara í vinnu. Hann færði minni bílinn til að fara á jeppanum í bæinn og festi bílinn. Það var allt á kafi í snjó. Hann hringdi inn í mig og spurði mig um nr. hjá Boga Adolfs og ég hélt fyrst að hann hefði farið út af á Grindarvíkurveginum en sem betur fer var það ekki. Hann sagði mér það að það væri ekki séns að komast út úr bænum núna og Pétur hinn bakarinn mætti fyrir hann í vinnu í dag og Raggi vinnur svo bara annan dag fyrir hann í staðinn. Góð redding þar...
Bogi mætti og hjálpaði Ragga að koma bílnum upp að húsi og svo fóru þeir á rúntinn á björgunarsveitarbílnum um plássið. Það voru helling af bílum/jeppum fastir út um Grindavík, sjómenn og fleiri sem voru á leið í vinnu og komust ekki vegna snjós! Það eru búin að vera fleiri fleiri útköll hjá björgunarsveitinni.Þessi vetur er sko vetur á Íslandi. Ef það er ekki stormur þá er bara snjór út um allt:)
Skólanum hér var aflýst í dag og fólk er ekki að komast í vinnuna! Ég man bara ekki eftir svona miklum snjó lengi vel. Við komumst ekki einu sinni í búðina á jeppanum okkar...
Þá væri nú gott að vera á Nýja-sjálandi núna í sól og sumaryl, brrrrr.
Við höldum okkur bara heima í dag og höfum það notalegt. Ég frestaði sónartímanum mínum þar til næsta mánudag þar sem ég er ekki á leiðinni í Keflavík. En það er í góðu lagi. Ég verð komin 36 vikur á þriðjudaginn næsta þannig að þetta sleppur alveg. Svo byrjum við á foreldranámskeiði annað kvöld og er það í 5-6 skipti. Mér lýst rosa vel á það.

Annars er bara gott að frétta af okkur. Heilsan mín er fín en ég er orðin svolítið þreytt á þessum endalausa brjóstsviða, ég er ansi dugleg að nota gaviscon vökva og tuggutöflur:) Ragga gengur vel í átakinu sínu sem er búið að vara í viku núna. Þeir eru orðnir 11 í vinnunni hans sem taka þátt í því sem þeir kalla "the biggest looser".

Ég var með saumaklúbb seinasta föstudagskvöld sem var mjög gaman. Það komust þó tvær ekki sem er alltaf mínus. Við borðuðum auðvitað helling og slúðruðum, er það ekki það sem maður gerir í saumó, hehe... En við hittumst alltaf einu sinni í mánuði yfir vetratímann og mér finnst þetta orðið ómissandi. Það er alltaf svo gaman að hitta þær og við skemmtum okkur alltaf vel. Ég er farin að hlakka til að fara í óvissuferð eða eitthvað svoleiðis, það verður þó kannski ekki fyrr en í sumar. Það er alltaf gaman að hafa eitthvað að hlakka til.

Nokkrir hafa spurt mig um hvernig á að kommenta á síðuna. Þið þurfið bara að klikka á comments og ef það kemur einhver viðvörunarrammi þá ýtið þið bara á continue. Síðan skrifið þið texta og veljið annað kvort nickname og skrifið nafn í dálkinn eða anonymous (setjið þá nafnið með í textann). Að lokum er það bara publish comment:)

Svona í lokin þá langar mig að henda inn smá spurningarkönnun um tvö nöfn og í raun einu nöfnin sem hafa komið til greina á saumaklúbbinn og fá skoðun á þessu hjá ykkur. Líka þeim sem eru í klúbbnum... Lufsurnar eða Pönkuðu pjöllurnar??? Vonandi fæ ég smá feedback þar sem ég er líka búin að útskýra (vonandi skiljanlega) hvernig á að kommenta:)

Bumbumynd! 34 vikur:)

2008-01-08T19:15:00.001Z

Takk fyrir kommentin öll sömul:)
Ég táraðist næstum við að lesa það sem Eggi bróðir skrifaði... Ekkert smá gaman þegar fólk segir eitthvað svona fallegt um mann. Ég vona innilega að barnið sé lánsamt að eignast okkur sem foreldra. Allavegana munum við reyna okkar besta í foreldrahlutverkinu:)
Við fórum í mæðraskoðun í dag og var allt í sómanum nema blóðþrýstingurinn sem var aðeins búinn að hækka, en samt ekkert mjög mikið. Sólveig sagði mér samt að slappa vel af næstu daga og leggja mig á daginn, sem ég er búin að gera svona 2-3 í heildina síðan ég varð ólétt:/ Ég fer svo aftur til hennar á föstudag og hún ætlar að mæla þrýstinginn aftur og tjekka á því hvort ég hafi hlýtt henni. Svo fer ég í sónar á mánudag þar sem staðsetning barnsins verður skoðuð. Sólveig vildi nú meina að hann væri kominn með hausinn niður og því bara í góðum gír.
Eftir skoðunina fórum við í bæinn þar sem ég átti tíma hjá tannsa. Kom allt vel út þar, engin skemmd og ég þarf ekkert að koma strax til að fjarlægja endajaxl sem er að koma niður. Mikið var ég fegin með það.
Þegar við komum úr bænum þá var það bara lagning:) ekkert smá næs maður...
Raggi er svo núna í ræktinni. Hann var að byrja á 10 vikna námskeiði í orkubúinu og eru þeir nokkrir í vinnunni hans í átaki þar sem lúserinn mun þurfa að bjóða rest í grill og flottheit eftir 15. maí þegar úrslit eru kunn. Annars eru þeir auðvitað allir að vinna með bættri líðan og heilsu:)
Ég Ósk Kjartansdóttir er því að fara að gera það sem ég geri best eða þannig eins og þið ættuð nú að vita... það er að elda kvöldmatinn, kjúkling og salat sem verður vonandi bara rosa gott hjá mér, ég held það bara!!
Setti inn bumbumynd að skipan hennar Kristínar Birnu.
Þar til næst...

Barnablogg:)

2008-01-04T16:42:00.000Z

Jæja þá er komið nýtt ár...
Það er alltaf gaman að jólum og áramótum og alltaf leiðinlegt þegar þau klárast. En það er til mikils að hlakka núna á næstunni. Það styttist óðum í að krílið láti sjá sig og við erum mjög spennt fyrir því að hitta barnið okkar.
Við erum byrjuð í svokallaðri hreiðurgerð. Ég var að setja í fyrstu þvottavél af barnafatnaði í dag. Það er ekki leiðinlegt að sjá litlu fötin á þvottagrindinni og við áttuðum okkur á að það er orðið stutt í þetta, ekki nema 1 1/2 mánuður eða um 6 vikur í settan dag. Ég vil vera búin að þrífa allt tímalega svona ef maður skyldi fara af stað eitthvað fyrr, þá er allt tilbúið samt sem áður. Nema vaggan sem verður gerð klár þegar allt er yfirstaðið:)
Ég er farin að finna fyrir auknum samdráttum og fæ túrverki af og til og er það bara eðlilegt miðað við hvað maður er komin langt... Svo er mæðraskoðun næsta þriðjudag og svo sónar í vikunni þar á eftir til að athuga hvort krílið sé skorðað. Við vonum auðvitað að hann sé komin í rétta stöðu svo það þurfi ekkert að fara að snúa og vesenast.
Annars er bara gott að frétta. Hversdagslífið fer bara ágætlega með mann og við erum bara að gera okkar hluti. Raggi að vinna og ég að fara að koma mér í að læra eitthvað áður en barnið kemur svo ég nái nú prófinu í maí.
Læt hérna fylgja með myndir af okkur með Evu Maríu á áramótunum. Hún var algjör gullmoli, þetta barn er svo skemmtilegt. Hún var vakandi á miðnætti og kom með okkur út alsæl og fannst þetta bomm sko ekki leiðinlegt:)

Gleðilegt nýtt ár

2007-12-31T12:30:00.000Z

Jæja verður maður ekki að setja inn stutta færslu svona rétt fyrir áramót...
Ég er bara búin að vera með eitthvað kvefslen í mér undanfarna daga og ekkert upp á mitt besta, en vonandi verð ég nógu hress til að njóta kvöldsins. Við Raggi ætlum að borða heima hjá Valda og Ingu og ætlar Raggi að elda kalkúninnn sem verður líklega ótrúlega góður eins og allur matur sem hann gerir. Ég verð að viðurkenna það að ég er rosalega góðu vön og ég veit ekki hvað verður í matinn þega hann verður ekki heima og ég ein með börnin okkar, pyslur eða samlokur, neinei ég bjarga mér held ég, eða kíki bara til mömmu hehe...
Annars er ég bara þakklát fyrir árið 2007. Ég kynnist fullt af yndislegu fólki við það að fara að vinna í lóninu. Ég eignaðist vinkonu sem ég á vonandi eftir að halda sambandi við fram á elliár:) Ég kynntist fjölskyldu og vinum betur. Ég fór að stunda meiri hreyfingu hlakka rosalega til að fara að hreyfa mig almennilega aftur. Við fórum til spánar og eyddum mestum hluta ferðarinnar með Guðrúnu Helgu og Yngva sem var frábært, þið eruð æði.
Stærstu atriðin árið 2007 eru tvö!! Við Raggi giftum okkur og svo auðvitað varð ég ólétt... Þetta er nú eitthvað sem hefur ekki farið fram hjá fólki:)
Ég vona að árið 2008 verði líka frábært sem er nú varla ólíklegt þar sem lítill engill er að fara að koma í heiminn og gera okkur að foreldrum:)
Væmnin hættir núna held ég:)
Við þökkum ykkur vinum og fjölskyldu fyrir skemmtilega tíma á liðnu ári og hlökkum til að hitta ykkur á því næsta!! Gleðilegt ár!
Að lokum ætla ég að setja inn mynd af okkur sem mér finnnst ógeðslega flott. Hún er frá árshátíð Bláa lónsins frá því í byrjun febrúar. Hálendingurinn og Glingló!

GLEÐILEG JÓL

2007-12-23T14:06:00.000Z

Prófin búin, gekk ágætlega en var ekki mjög sátt við seinasta próf hjá mér. Það kemur í ljós hvernig það fór. Ég ætla ekki að hafa áhyggjur af því núna.
Rosalega líður tíminn hratt... Já það er komið að jólum.
Við vorum að koma heim frá því að sjá um hina árlegu skötuveislu fyrir Þorbjörn-Fiskanes ásamt tengdó. Þetta var mjög fínt og kemur manni í jólaskap. Við erum svo á leiðinni í Reykjavík þar sem það á alltaf eftir að gera eitthvað smotterí.
Ég ætla ekkert að vera með einhverja langloku núna en vildi setja inn nokkur orð svona fyrir hátíðina:)
Gleðileg jól öll sömul og hafið það rosalega gott.
Elsku Himmi, Steini, Eggi og yndislega fjölskyldan mín sem þeim fylgja, Ég sakna ykkar og vona að þið njótið jóla og áramóta þar sem þið eruð. Ég hlakka til að hitta ykkur!
Kærar kveðjur, Ósk, Raggi, bumbubúi og Neo.

Jæjajæja

2007-12-17T09:00:00.000Z

Ég ætla bara að setja inn stutta færslu þar sem ég er ekki alveg með einbeitingu í að læra. Það er að styttast í þetta en ég er orðin svolítið spennt fyrir jólunum og nenni ekkert að vera að standa í þessum próflestri. Svo finn ég alveg fyrir muninum á því að vera í prófum þegar maður er óléttur. Ég hélt að það yrði enginn munur en sannleikurinn er sá að maður þarf að taka sér fleiri pásur og hugsa betur um bakið. Ég er ekki búin að vera nógu dugleg að því. En ég hef nokkra daga til að breyta því.
Hugsar maður ekki hvort sem er oftast betur um aðra en sjálfan sig. Spurning um að fólk breyti því þar sem maður sjálfur er nú frekar mikilvægur einstaklingur:)
Annars erum við Raggi að fara að setja upp jólatréið í dag eða á morgun sem staðfestir að jólin eru alveg að koma:) Maður er stundum eins og lítið barn, sem er mjög gott bara. Maður verður helvíti leiðinlegt gamalmenni ef maður varðveitir ekki barnið í sjálfum sér (stolin setning)...
Ég ætla að láta fylgja með mynd af kökunni sem Raggi gerði fyrir skírnina hjá Hildi og Bergvin. Mér finnst þessi kaka auðvitað rosalega flott þar sem mér finnst maðurinn minn mjög hæfileikaríkur bakari! Hann var líka svo myndalegur að baka handa mér smákökur um helgina. Ég var farin að kvarta fyrir því að þetta væri frekar hallærislegt, engar jólakökur á heimili bakara:) En það er greinilega hlustað á mann.
over and out...

Brjálað veður...

2007-12-15T11:35:00.001Z

Já það er búið að vera svolítið hvasst á Íslandinu. Ég man ekki eftir að það hafi verið stormviðvörun svona marga daga síðan ég var bara lítil, eða minnið mitt er eitthvað gatað, hver veit:)
En að minnsta kosti þá fór grindverkið okkar hér bakvið til fjan.... ég var ein heima þar sem Raggi var að vinna í bænum og ég fékk bara björgunarsveitina til að koma og festa þetta fyrir mig svo grindverkið færi ekki alveg og tæki skúrinn okkar með. Kannski smá ýkjur en... Það mættu alveg 6 menn hingað til að redda þessu. Svo þegar Raggi kom heim fór hann að redda jólaskrautinu okkar sem var úti í garði.
Annars er það að frétta að ég er búin með 2 próf og gekk bara ágætlega. Einkunnirnar skila sér líklega ekkert fyrr en í fyrsta lagi milli jóla og nýárs eða jafnvel bara eftir áramót. Þá er bara eitt próf eftir sem er fimmtudaginn 20. Og þá er hægt að fara að hlakka almennilega til jóla í nokkra daga og stússast eitthvað með ekkert samviskubit og slappa líka af:)

Litlu Jólin

2007-12-09T12:28:00.001Z

Í gærkvöldi héldum við stelpurnar í saumaklúbbnum (nafnlausa) upp á litlu jólin. Allar tillögur um nafn á klúbbinn eru vel þegnar og teknar til skoðunar:)
Þetta var rosalega gaman. Við byrjuðum á að mæta til Söru og Kobba milli hálf 8-8. Kallarnir mega vera með á litlu jólunum. Jói hennar Rósu komst þó ekki þar sem hann var á sjó.
Það var byrjað á því að fá sér dýrindismat sem kom úr öllum áttum. Kjötið og sósan a la Sara og Kobbi, salat frá Rósey, kartöflur frá þykkv.. nei Rósu meina ég:) og svo voru auðvitað drykkjarföng af mismunandi tagi fyrir okkur öll. Gosið var sett í ábyrgð þeirra sem geta ekki eldað, hehe smá skot. Hún kann víst að elda. Lov you:) Svo var eftirréttur sem búin var til af henni Guðrúnu Helgu. Við Raggi vorum stikkfrí frá því að koma með nokkuð...
Eftir að allir voru orðnir rosalega saddir eftir þessa yndislegu máltíð settumst við niður og opnuðum jólapakka frá leynijólasvein. Allar vorum við held ég mjög ánægðar með gjafirnar okkar. Ég gaf Rósu og fékk pakka frá Sigurbjörgu.
Nú svo var planið að skemmta sér frameftir og einhverjir eru líklega þunnir í dag. Við Raggi sleppum auðvitað við þann pakka:)
Við hjónin (Er að venjast því að segja þetta, finnst hjón eiga við eldra fólk) vorum því miður ekki lengi þar sem Raggi þurfti að mæta í vinnu í nótt og ég að vakna snemma til að halda áfram í lærdómi. Fyrsta prófið mitt er í fyrramálið og er það Saga sálfræðinnar. Held bara að ég sé í ágætismálum í þessu fagi:) Tók mér pásu til að henda þessu hér inn svo það sé nú eitthvað til að skoða á þessarri síðu...
Við stelpurnar þurftum aðeins að fíflast því það er alltaf svo gaman hjá okkur. Held við reynum bara allar að komast inn í ANTM í næstu umferð. Má ekki annars vera búin að eiga barn? Við erum allar svo sætar!

Takk kærlega fyrir kvöldið!!
P.s. Endilega látið mig vita ef ykkur er illa við að ég sé að setja myndir af ykkur inn:)

3D SÓNAR

2007-12-06T15:37:00.001Z

Við fórum í þrívíddarsónar í morgun og var það alveg æðislegt!
Fyrst var litli kútur ekkert á því að láta sjá framan í sig og við vorum ekkert ánægð með þá þrjósku. En eftir að hafa verið ýtt til og frá þá vaknaði maður og hreyfði sig svo foreldrarnir gætu stoltir fengið að sjá mann:)
Ég held að hann líkist bara pabba sínum, sé allavegana með þessar kissulegu varir sem Raggi er þekktur fyrir. hehe...
Gæðin á þessum myndum eru ótrúleg og var ég rosa fegin að það að fylgjan sé framan á hjá mér hafi ekki eyðilagt fyrir.
Okkur hlakkar nottla bara enn meira ef það er hægt að fá að halda á þessu kríli og sjá hann með berum augum.

Litli guttinn okkar er sko rokkari! Þessi mynd er bara snilld. Greinilega töffari hér á ferð:) Það má svo sjá fótinn þarna líka...

Jæja þá er þetta gott í dag. Verð að vera skynsöm og halda áfram að læra.
Endilega kvittið, ég er búin að laga það þannig að allir geta kvittað núna.
Bestu kveðjur, stolta mamman.

bumbulína skrifar

2007-12-05T17:48:00.000Z

Bumbulínan Ósk. 29 vikur og á leið í 3D sónar í fyrramálið...

Það er nú ekki margt að frétta af okkur. Ég er í próflestri og er bara nóg að gera í því að lesa. Svo er Raggi að vinna.
Heilsan mín er bara fín, ætla ekkert að vera að kvarta. Samt skrýtið að upplifa allt sem fylgir því að vera ólétt. Það er svo margt sem breytist og er það bara gaman að upplifa þetta. Er til dæmis oft að reka bumbuna í þar sem hún hefur aldrei verið svona stór áður:)
Við erum búin að skreyta allt hjá okkur þannig að það er orðið rosa jólalegt. Allur jólaundirbúningur er að mestu leyti búinn og verður bara klárað þegar ég er búin í prófum sem er þann 20. Þá er það bara göngutúr með jólakort og að pakka inn gjöfum og einhver svoleiðis skemmtilegheit.
Þetta verða samt frekar skrýtin jól. Maður er orðinn þokkalega vanur því að vera án Himma og fjölskyldu en núna eru Steini og fjölskylda úti og Eggi bró líka.
En ég ætla ekkert að hafa þetta lengra.
bæjó...

Halló!!

2007-11-22T11:58:00.000Z

Langt síðan við settum eitthvað inn seinast.
Síðan þá hefur margt gerst.
Á jónsmessu skokkaði Ósk 10 km. með Svövu mágkonu og afrekaði að klára án þess að labba! Bæti tímann á næsta ári.
Við erum orðin gift hjón. Það er æðislegt:)
Við eigum von á barni væntanlegt í heiminn 19. febrúar:)
Raggi er komin í nýja vinnu sem bakari á hótel Loftleiðum.
Ósk er búin með BA ritgerðina og er að myndast við að klára seinustu áfanga námsins.

Allt er í góðum gír bar hjá okkur og erum við voða spennt fyrir komandi ári þar sem margt mun breytast hjá litlu fjölskyldunni á Arnarhrauni 10.

2007-05-23T23:22:00.000Z

Jæja ég fór til Svans í gær og er bara þokkalega ánægð með árangurinn. Bætti mig síðan síðast, sem er mjög gott og nú ætla ég ekki að detta í eitthvað rugl aftur. Var líka að átta mig á að brúðkaupið er eftir tæpar 9 vikur eða 2 mánuði rúmlega. Maður tekur þetta með trompi núna. Svanur þú kannski kemu rtölum áleiðis. Og þú mátt endilega segja mér breytinguna á BMI og fituprósentu. spurði þig ekkert að því...
En já það er mikið að gera hjá mér en ég er samt að finna mér tíma til að æfa. Ég skokkaði/labbaði rösklega til skiptis í vinnuna í dag. helvíti ánægð bara. Í fyrramálið er ég að fara að hjóla í vinnuna. Mér líður rosalega vel að vera að hreyfa mig svona:)
skrifa meira um helgina þegar ég er komin í frí. eða ekki frí. Raggi er að úrskrifast á föstudag, við ætlu mað taka krakkana Steina og Grace í bæinn á laugardag og leyfa þeim svo að gista, sem var löngu búið að lofa. svo kannski slappar maður af á sunnudag:) það er flott plan held ég bara.
Og já ég er farin að sjá fyrir endann á BA ritgerðinni þar sem við vorum að skila inn stórum hluta og ætlum að skila ritgerðinni vonandi eftir circa 3 vikur. jibbí. allt að gerast.

Góða nótt, kveðja bjartsýna Ósk!

2007-05-16T21:08:00.000Z

Ég er bara að skrifa núna af því það er svo langt síðan síðast...
Hef bara gaman af því að æfa og er að nenna þessu, sem er eitthvað sem ég hef ekki gert þegar ég hef verið að fara í átök. Þetta er bara gaman og mér finnst gaman að gera æfingarnar mínar úti. Sjá árangur af erfiðinu. Þegar maður sér til dæmis hvað maður er búin að skokka langt þá verður maður svo ánægður með sig. Eitthvað sem hlaupabretti getur ekki gert fyrir mann... Mamma spurði mig í dag hvort ég væri alltaf að leggja af, fannst ég búin að grennast greinilega. Ég er samt ekki að léttast, en líkaminn er greinilega að breytast eitthvað.
Skrifa meira næst.
Farið vel með ykkur. Kv. Ósk

sumarið er komið

2007-05-08T10:33:00.000Z

Það er svo gott veður núna að maður getur ekki annað en verið í góðu skapi. Loksins er gott veður... Ég er heima í dag að vinna í inngangnum á ritgerðinni og þá get ég gert ýmislegt annað þar sem maður er svolítið laus, Vinn þá meira í kvöld bara. Vigtin mín sýnir 65.5 sem er kílóa aukning. Ég vil alls ekki meina að ég sé að bæta á mig engu öðru þá en vöðvum því ég er ekki feitari allavega. Samt fúlt. Ég næ líklega 6 æfingum fyrir föstudag áður en ég hitti Svan. Helgin setti smá strik í reikningin þar sem ég var að vinna og var bara búin á því það var svo mikið að gera.
Skrifa aftur í vikunni.
Kveðja Ósk úr sólinni!

Ég á afmæli í dag!

2007-05-03T11:56:00.000Z

Hvað er betra en að vakna snemma á afmælisdaginn og fara út að hlaupa? Ég gerði það allavegana og það var rosa gott. Ég er svo á leiðinni í lónið með mömmu þar sem við erum að fara í nudd. Ég áhvað að bjóða henni þar sem hún á það alveg skilið.
Ég er búin að fá 3 afmælisgjafir. Mynd frá Habba, kertastjaka frá Söru og svo frá Ragga...
Já ég fékk þetta flotta mótórhjól og er svaka gella á því:)

Já og til að hrósa mér meira þá hitti ég Þórey vinkonu mömmu áðan og hún hafði orð á því að ég hafi grennst:) Gaman að því.
Ég skrifa aftur eftir helgi...
Ætla að eiga frábæran dag! Kveðja Ósk.

2007-04-27T22:46:00.000Z

hæhæ. Ég er komin með eina æfingu af planinu í þessarri viku. En svo labbaði ég í vinnunna í gær. Held það séu 6 km. Við löbbuðum tvær saman og við vorum í klukkutíma. Það tók lúmskt á skal ég segja ykkur en rosalega vorum við ánægðar með okkur þegar við mættum ferskar efir sturtuna í miðasöluna og allir voru með koddafarið í andlitinu. Þannig að tæknilega séð er ég komin með tvær æfingar... Svo er ég að fara í fyrramálið líka.
Matarræðið gengur betur líka þannig að allt er uppleið hjá mér nema vigtin. Hún sýnir 64.5 sem eru mínus 700gr. frá því síðast. Mig minnir allavegana að hún hafi sýnt 65,2 þá:)
Skrifa næst á sunnudag líklegast.
Góða helgi og góða nótt!

Gleðilegt sumar!!

2007-04-20T21:46:00.000Z

Já nú er komið sumar, sem er frábært...
Ég er bara búin með eina æfingu núna og næ líklega 2 í þessarri viku. Raggi er ekki búinn að fara.
Mér gengur illa að halda matarræðinu en skal takast það samt sem áður.
Ég er að æfa núna í lækningarlind í Bláa lóninu, þar sem Helgarsport kortið mitt rann út. Það er mjög fínt og við ætlum að reyna að fara tvær saman fyrir vinnu og keyra saman. þetta er lítil og fín aðstaða. svo get ég reynt að fara úti líka þegar það er gott veður þar sem það er komið sumar:)
Vonandi hafið þið það gott.
Kyssið litlu frændsystkinin mín frá mér. og hvort annað bara líka:)
góða nótt.
Kveðja, ein þreytt úr vinnunni.

HÆHÆ

2007-04-15T09:18:00.000Z

Við Raggi fórum í smá rómantík á fööstudag. Keyrðum á stokkseyri og fórum að borða á fjöruborðinu. Fengum okkur æðislegan humar... Svo fórum við á hótel eldhestar og gistu meina nótt og skelltum okkur síðan á hestbak í gær. Ekkert smá gaman. Þegar við komum til baka kíktum við með Neo, Bangsa og Karel Geir út á skeljartanga. Nóg að gera...
set inn myndir í kvöld. Ég nefninlega gleymdi að blogga í gær, var svo þreytt:)
Af æfingum að frétta tókst mér að taka eina, er ekki nógu ánægð með það. Og Raggi fór ekkert. Vigtin sýnir 65 kg hjá mér en ég set inn fyrir Ragga í kvöld. Veit ekki með hann...
Annars fínt að frétta og ég vona að ég nái 4 æfingum í þessarri viku. Búin að hlaða batteríin ágætlega.

2007-03-18T19:42:00.000Z

Við í 50 ára afmæli mömmu Ragga 17.03.07

Hálendingurinn, Glingló, Sesar og Kleópatra

2007-02-04T19:12:00.000Z

Æfingarprógram fyrstu 12 vikurnar

2007-02-02T01:36:00.000Z

Smellið á myndina til að sjá hana í fullri stærð.

Upphafsmyndir af skötuhjúunum

2007-01-23T09:55:00.000Z